【郑嘉颖陈凯琳结婚】接新娘唱《一千个愿意》 仲要揹住行200呎
郑嘉颖、陈凯琳于今日正式在在峇里Bvlgari Resort举行婚礼，在今日早上，嘉颖进行接新娘仪式，阿Grace要求下，他更唱出自己首本名曲《一千个愿意》，跟住又将Grace抱起，由走廊行入大厅，足足200 呎路程，向双方家长进行斟茶仪式，好似好辛苦！不过嘉颖就话：“无办法喇，为咗娶老婆，乜都要做㗎喇。今次算好简单㗎喇，其实佢哋，Grace𠮶边嘅伴娘，都系好易话为，所以剩系唱咗首歌同揹咗佢出去，多谢佢哋。”
今次郑嘉颖和陈凯琳的婚礼可算是神秘中举行，大家都是一个月左右前才得知，但原来一众亲朋好友早在几个月前先收到知会，嘉颖说：“我喺度要好多谢每一位参加我哋婚礼嘅朋友，远道而嚟，其实喺4,5个月前已经通知咗佢哋，因为佢哋要度期、工作关系，亦都好多谢佢哋百忙中抽空嚟见证我哋婚礼。今日系感动嘅，我见到Grace行入教堂已经忍唔住，流咗两滴马尿，亦都好感触大家讲咗好多真心话，其实我觉得我哋嘅婚礼系比其他婚礼唔同嘅，因为有一段除咗好公式嘅嘢，我哋自己都讲咗一段心目中对对方嘅感觉，呢一段系我两个都好感动嘅。多谢大家嘅祝福，多谢晒，希望你哋明白我哋系想一切从简而隆重嘅，所以就唔通知大家。”祝两位新人白头到老喇！
【郑嘉颖陈凯琳结婚】3年“父女恋”终成正果 细数两人甜蜜情史
至于Grace，亦都有讲到自己的感受：“到我哋行礼之前，我叫嘉颖快啲去咗教堂先，因为我唔想俾佢睇到我著呢条婚纱，因为从来都无见过。当我自己著起呢条婚纱，我就突然之间个肚好似‘罗罗挛’咁，因为好紧张，心跳又加速。当我去到教堂前面，音乐一起，我翘住爸爸行入嚟，𠮶一刻我见到全部人企起身去欢迎我哋，同埋替我哋开心，我就觉得我哋一直舖排终于成事。我行到尾嘅时候，其实我都一直忍住唔想喊，但我一望住嘉颖，佢已经流咗一滴眼泪，我都估唔到佢会早过我喊，所以我都忍唔住。呢个感觉真系超现实，好开心有一个咁好嘅老公，亦好期待我哋将来嘅幸福快乐，虽然知道婚姻有好多个阶段，但喺呢一刻我已经系最开心。”
【郑嘉颖陈凯琳结婚】两人甜蜜影婚纱相 两对钻石耳环加埋约50万
【郑嘉颖陈凯琳结婚】精心挑选Marry Me系列婚戒劲甜蜜$63000有找