陈凯琳以郑太身份分享新婚喜悦　婚礼LOGO原来别有浪漫意义

婚礼虽然只系得一日，但婚后仲有好多后续嘅事要做架。郑嘉颖同陈凯琳嘅峇里梦幻婚礼圆满落幕，郑生郑太就留咗喺当地HONEYMOON。升格做人妻后Grace做好贤内助本份，上载婚礼靓相多谢各方好友帮忙，简单一句“Starting a new chapter in my life as Mrs. Cheng”已经感受到新婚几咁甜蜜。呢日仲公开佢地婚礼logo，原来相当有意思。

Grace婚后先上载三张靓相，除咗已曝光嘅婚照，以及行礼后嘅相片，仲有一张应该系after party上拍摄。相片中嘉颖同Grace于台上共舞并情深一吻，配以满布小灯泡嘅布置，场地温馨，在场宾客都深深感受到郑生郑太嘅幸福。据知佢地度蜜月时间唔系太长，17号Grace就会喺香港出席活动，相信到时郑太会亲口分享新婚喜悦。

郑生郑太虽然拣咗去峇里搅西式婚礼，但中式礼仪一样有做到足。佢地订制饼咭及嫁喜礼饼礼盒，仲特别印制代表佢地嘅“KG”双喜标志。呢个个360度全方位“KG”爱的标志，化身为“囍”字中的四个口，代表著Kevin遇上Grace、两颗心心相印、二人组织成家及携手展开新一页。此外，礼饼盒印上“爱，让我们携手走一辈子。感谢祝福！”语句及二人亲笔签名，尽表爱意及心思。简单的设计流露出一对新人喜气洋溢的幸福，并向在香港的亲朋好友一起分享新婚的喜悦。