卢宛茵影视两栖都唔够　仲要踩埋入乐坛：咩都试下啰

今时今日香港的唱片业不景气，即使是职业歌手都未必有机会可以出碟，不过最近凭住演出无线剧集《BB来了》Madam Lo一角而人气爆升的卢宛茵，却准备出碟大晒歌喉。现年65岁的她将会踩入乐坛做新人，原来她自小已经好钟意音乐。她唔止同卫兰撞样，就连唱功都有得挥，擅长唱爵士乐曲，唱起歌时一把磁性声音极好听。

Madam Lo话家人对她决定出唱片都十分支持，觉得就算已经一把年纪都依然可以为梦想而努力一试。而她的唱片亦都开始筹备了，唔知她呢位乐坛新人赶唔赶得切于今年出道呢？她接受《香港01》访问时表示：“无咁快，唔会系今年嘅事，好初步咋，系有咁嘅计划但系咩都未实行，谂住咩都试下啰，自己一向都钟意唱歌，一直都有班朋友间中一齐Jam下歌，出碟嘅话我都系唱英文歌多。”至于是自资定抑或是有唱片公司帮她出碟，她说：“未知，现阶段真系好初步，睇下有无人投资啦。”