【BB来了】李佳芯当面闹爆奶奶卢宛茵心理变态 连港妈都唔撑？
《BB来了》收视创下今年TVB开播新高，全因剧情够写实，大家身边总有一位遇上类似嘅婆媳纠纷。剧中李佳芯同卢宛茵由第一集已经开始明争暗斗，碍于奶奶始终系长辈，Ali一路以来再不满都系闹爆老公黎诺懿，或者扮唔舒服走先，到第12集Ali知道Madam Lo混入妈妈谷情绪爆发，兜口兜面闹到Madam Lo爆喊，以为女观众一定大快人心？播出后网上反应两极，唔少人都表示反感。
【BB来了】李佳芯卢苑茵展婆媳大战 新抱奶奶永远睇对方唔顺眼？
无论男定女，都有唔少志同道合嘅Groupmate，剧中Ali不时同妈妈谷嘅一众港妈，大呻奶奶乱咁嚟吓坏囡囡，Ali其中一句当住老公面话：“所有奶奶都系食古不化，搅搅震无帮衬，望就望啲老公生生性性唔好再做裙脚仔啦。”本身只系朋友间互呻几句，一吐冤枉气，点知原来Madam Lo买电话卡混入其中，当Ali知道后即时大爆发﹗
【BB来了】黎诺懿闻“妈妈谷”色变 李佳芯即Join真系港妈必入？
Ali揾机会搜出Madam Lo太空卡电话，兜口兜面连珠发炮咁大闹Madam Lo：“真系未见过咁变态嘅女人，可唔可以正视下你心理问题？你根本放唔低你老公当年生意失败令你做过气阔太。但你更加放唔低嘅系，你老公在世时终日怨佢，怨到佢屋企都唔返，到死咗先知佢包二奶﹗你最放唔低系你老公将一半遗产分咗俾个二奶。你长年空虚寂寞又冻，当个仔系水泡当新抱系情敌﹗”令到Madam Lo委屈到即时爆喊。
【BB来了】李佳芯卢宛茵细腻演绎创收视新高 小品剧打出一片天
对于一啲被长期压逼嘅新抱，Ali呢次直线抽击闹爆奶奶的确大快人心，好似Facebook Page“同住奶奶好恶顶”都有Share呢段，话一啲都无夸张：“其实呢套唔系剧集，系真真正正的现实。”不过唔少人就觉得，奶奶点都系长辈点都应该要留返几分薄面，有网友留言话：“呢件新抱衰过佢奶奶n倍啦，连人哋的旧疮疤都掘出嚟数，唔好话系奶奶，对个普通老人，都唔应该咁闹到人喊啦，好过份！”亦有人大赞编剧无偏帮新抱，要Ali夸张演绎令观众醒觉：“当观众知道恬恬咁做唔啱，就唔会再咁对自己奶奶，This is the message!”