【BB来了】卢宛茵曾演“潮文”白鸽眼伯母：第时女婿无楼唔紧要！
撰文： 冼燕珊
出版：更新：
卢宛茵（Madam Lo）在TVB剧集《BB来了》中饰演恶奶奶，除此之外，其曾在“公屋潮文”《女朋友带你返屋企食饭》中，饰演一名“白鸽眼”嘅“伯母”，同样深入民心，这位伯母因应阿女男朋友来自不同阶级及地区住所，而作出不同的表情变化，演技从内而外，层次分明，令人拍烂手掌，网民大赞她是刻薄奶奶和刻薄外母的代表，不过她说自己在现实中却是一名开明的奶奶。（详见文章：【BB来了】卢宛茵演刻薄奶奶演技获赞：同现实中嘅我相反）
现实中嘅Madam Lo又系咪呢种“准外母”呢？她接受《香港01》访问，不讳言对“未来女婿”有一定的要求：“有时都会畀啲意见，不过佢听唔听一回事啦，个男仔最紧要有用啰，唔好嫁个废人，唔需要佢好富贵，最重要系有上进心、有学识、有责任感，对个女好。”其实作为一个母亲，对女儿个对象有一定嘅期望，其实相当正常，有边个妈咪唔想自己个女嫁得好啫？
不过现时香港楼价贵太癫，外母睇女婿，唔多唔少都紧张佢有无物业揸手，Madam Lo就话自己唔系太Care将来个女婿有无楼：“我觉得最紧要有事业，有实力，唔计较佢有楼好定租屋好，个人无用，有楼都要搞到卖楼啦。”想食鸡髀唔一定要有楼，但一定要有上进心。
+3