【BB来了】李佳芯演妈妈情绪起伏好入戏　生仔似走过鬼门关无夸大

十指痛归心，当夹手指都系得5级痛，生仔十级痛真系非正常人能想像，就算唔系顺产唔使经历阵痛，无端端俾人剖腹再缝返七层皮肉，𠮶种滋味真系谂起都惊。TVB新剧《BB来了》入面，Ali明明未为人母，却能演活将孕妇情绪起伏心路历程，由刚有孕到入手术室生BB，整个过程血淋淋呈现喺观众眼前，见到Ali喊住问医生：“系咪我做错啲咩嘢整到BB，点解会咁嘅？”唔少观众边睇边同佢一齐默默落泪。

【BB来了】女强人忽然Bingo做妈妈 李佳芯忐忑心情网友赞有共鸣

Ali去完公司Party忽然下体出血，医生检查后告知，子宫出血情况似胎盘剥落，会影响输血同营养俾BB，严重起嚟可能会胎死腹中。陀住BB十个月血脉相连，忽然被告知可能无法顺利出世，Ali情绪完全爆发出嚟，不顾靓样崩溃濠哭：“系咪我做错啲咩嘢整到BB，点解会咁嘅？”其实胎盘剥落可以系原因不明，100位孕妇中1位有机会遇上，即系莫需有，点会唔伤心。

【BB来了】李佳芯卢苑茵展婆媳大战 新抱奶奶永远睇对方唔顺眼？

剧中Ali怀孕期间，小心饮食勤于做运动，目的就系令肚内BB健康成长得嚟唔好过重，顺产时无咁辛苦。点知遇上意外情况需要紧急开刀，九个月以来嘅努力完全白费，Ali都扁咀喊晒咁嗌：“唔好啦我咁努力做带氧运动，就系想顺产呀吗。”或者大家觉得佢太唔理智，只系贪靓唔想留有疤痕，但顺产剖腹只系先苦后甜同先甜后苦之分。顺产经历十级阵痛后生完一日已经行得走得，而剖腹伤口可以痛成个月，进补又要延迟，仲无咁快可以上奶，而且有咩闪失随时会令子宫爆裂有性命危险﹗

私家医院生BB虽然有较好照顾，顺产开刀老公都可以陪产，但紧急开刀手术就只能独自面对。Ali瞓喺病床上被推去手术室，未知自己同BB生死，老公黎诺懿又未能陪伴左右，喊到生离死别一样，经历过嘅妈妈观众都话，真系一啲都无夸张。瞓喺手术室望住盏灯，打咗麻醉针个人不受控地震，虽然无痛感但FEEL到医生一层一层㓥开自己个肚，又唔知BB情况，真系非常无助架。

BB出咗世大家就以为有好日子过咩？完全错晒啦﹗剖腹后麻醉药过晒伤口开始痛，姑娘入嚟塞药到肛门好似无晒尊严一样；第一次落床时，Ali同黎诺懿见到成班妈妈丧尸出笼一样，忍痛都要行落床去见BB一面；成班妈妈围住学喂人奶要坦胸相对，姑娘出手纠正，未上奶俾BB啜到乳头损晒，以上种种都系永世难忘。女观众话有共鸣，就算男观众都话睇完要孝顺妈妈，就知道剧情系几咁写实啦。