【BB来了】卢宛茵演刻薄奶奶演技获赞：同现实中嘅我相反
撰文： 冼燕珊
出版：更新：
TVB 剧集《BB来了》因为题材贴地，剧情写实，获得观众共鸣而大受欢迎，不只两位男女主角演技获赞，当中卢宛茵（Madam Lo）饰演的恶奶奶，非常传神，那副尖酸刻薄的神情，相当抢眼球，获网民大赞是恶外母同恶奶奶嘅代表：“卢宛茵真系无法取代，刻薄妈妈到而家刻薄奶奶，今年女配佢有份争就好！”
Madam Lo在萤幕前分别饰演过外母同奶奶，同样深入民心，她在现实中有二子一女，除了女儿未嫁，两个仔都结婚生子了，Madam Lo亦已荣升奶奶同嫲嫲。Madam Lo接受《香港01》访问，指现实中的自己，跟剧中角色完全相反，她不会跟“新抱”争宠：“我同啲新抱都好friend，我好开通，唔会干涉佢哋，可能我个人比较西化，佢哋自己都有请陪月，佢哋自己决定，我都无过问，我自己都最惊人哋对我问三问四。”
+7
网上经常有“新抱”抱怨奶奶成日出招，在人前人后都有好多小动作，畀好多说话自己听，Madam Lo说自己不会这样做：“可能我仲有做嘢，有自己嘅事业要忙，唔似得其他奶奶咁得闲，佢哋太得闲，咪揾啲嘢做啰。”
其实身为奶奶嘅Madam Lo，自己都做过人哋新抱，不过佢就话自己同奶奶关系都唔错：“我哋唔系一齐住，相处得几好。”其实Madam Lo说出个重点来，“唔好一齐住”就系维持婆媳关系嘅关键。但由于现时楼价高企，好多人都焗住同奶奶一齐住，Madam Lo闻言讲咗句：“我戥佢哋惨呀，无计啦，唯有将就吓啦……”然后以一个“你懂的”嘅语气说：“我明嘅！”
+1
【BB来了】卢宛茵曾演“潮文”白鸽眼伯母：第时女婿无楼唔紧要！