【姊妹档】汤洛雯靓声献唱《小幸运》　倪晨㬢抗拒合唱

人气女神汤洛雯及网红女神倪晨㬢（Elva）今日再度以“姊妹档”造型出席活动，二人“异父异母姊妹”形象一早已成为网络热话，因而令二人人气急升，带畀佢哋更多工作机会。二人岀席活动时更透露已经有合作计划，至于系乜计划呢？二人访问中说道：“其实我哋已经打算学跳舞，会学类似Kpop嘅舞蹈畀大家睇啦！”Elva更同大家讲唔好睇佢哋咁嘅样，其实佢哋系唔识跳舞，“我哋摆动作就可以，但要我哋跳就好鸡手鸭脚！”

今日现场汤洛雯更献唱两首歌曲，其中一首系人气歌曲《小幸运》，而唱歌方面对靓汤嚟讲就冇乜难度，但身为姊妹嘅Elva做咩唔一齐合唱呢？相信一起合唱效果会更佳，Elva就笑言会好惊，而在旁嘅靓汤就安慰Elva，“唔使担心，有我会陪妳。”不过，Elva都系婉拒，更话喺台下做粉丝举牌就好了！

一直都有指罗天宇对汤洛雯念念不忘，而近日靓汤就在个人社交网站upload咗一段歌词，令大家就误会佢凭歌寄意回应上一段感情。对于呢一件事靓汤都感到唔好意思，“我自己upload呢段歌词只系纯粹觉得好好听，想分享一下畀大家，大家第二日就作咗一个好似系真嘅故事，咁就话佢想复合，但其实冇呢一件事，我哋都仲系好好朋友，我都有同佢讲唔好意思，佢仲笑我话首歌咁旧宜家先听。”至于复合方面靓汤就表示唔去想啦！因为要以事业为重。