倪晨曦恨同汤洛雯一齐拍旅游节目：孖埋阿妹四人行﹗

今日(14日)，倪晨曦Elva联同“孖生姊妹”汤洛雯出席商店开幕典礼。提到有网民话两位女神外形相似，“傻傻分不清”，Elva都话自己同靓汤喺好多方面都好相似：“我地style好贴近，好似我地都钟意喱士衫，又钟意扎三瓣辫发型。”体现出好姊妹的默契﹗

临近暑假，Elva和靓汤最近都不停“密密飞”，靓汤早前飞去韩国拍《学是学非》，Elva则飞回家乡加拿大。热爱旅游的Elva直言想同靓汤拍旅游节目：“有得拍紧系好啦，甚至可以请埋我地阿妹，四个人一齐去！”

提到感情状况，密运中嘅Elva同圈外男友感情稳定，更自爆一次男友令自己甜入心嘅举动：“有一次我扭亲只脚，佢几乎系24小时都陪住我，又逼我去睇医生，我都觉得好warm。”Elva仲话要介绍男仔俾靓汤识，到时黎个double date都唔错。