汤洛雯单身后劲多追求者 不抗拒姊弟恋：但唔好差20年咁多
撰文： 翁汉珑
出版：更新：
今年愚人节时，汤洛雯同倪晨曦于IG上载一张合照，相中嘅佢哋经过精心打扮，样貌相似度高到好似两姐妹咁。呢日佢地以姐妹装出席宣传活动，真系好似孖公仔一样。
两位似样到变成网民热话，有冇谂过食住个势拍番辑旅游节目呢？靓汤就话：“今日系我哋两个第一次一齐出席活动，依家的确系多咗人哋问我哋档期，我哋都好努力咁推销自己，希望有机会可以一齐拍野啦！”
问到感情生活，单身后嘅靓汤都坦然回答：“最近系多咗人追，不过我个人喺感情上比较慢热，都系倾吓计咁，睇吓对方系咪真系有诚意先。”咁唔知靓汤又接唔接受到姊弟恋呢？佢就话：“后生多少少嘅时候可能会介意多啲，不过可能因为我之前𠮶个男朋友都细过我一两年，我就觉得冇乜所谓，不过唔好话相差20年咁多啰！”