【名厨争锋】谢霆锋打低外国名厨夺冠　获FOX首度官方发函祝贺

Chef Le Mon谢霆锋早前于FOX Life美食竞技节目《名厨争锋》中，同嚟自加拿大嘅名厨David Rocco 以东西方美食进行厨艺对决，最终霆锋夺得冠军，真系好威威。
 

美国国家地理频道日前发布一条官方讯息，就系FOX传媒集团亚洲制片总监Sam Gollestani发函祝贺霆锋夺冠，Sam Gollestani喺信入面称赞霆锋嘅努力同专业：“作为呢个咁成功嘅节目入面嘅第一位优胜者，无疑系一个伟大嘅成就。呢个唔单止反映出您嘅努力，同时亦系您专业厨艺嘅佐证。我哋感谢您嘅参与，并祝您今后嘅烹饪事业中再铸辉煌！”

据知今次系FOX首度对一个节目发出官方信函，而今次更加系继米芝莲向霆锋颁布首位“米芝莲之友”嘅荣誉后，第二个国际权威媒体对霆锋厨艺作出官方认证。对于再次得到国际认可，霆锋话：“好开心，亦都好荣幸。嚟紧当然会继续努力，希望做到俾世界各地唔同嘅人知道，中菜都可以系时尚同健康，如果大家想围护中菜，真系要慢慢一步一步走向世界。”