【母亲节】陈家乐细个要嫲嫲孭返学　大个亲自下厨煮饭冧妈咪

陈家乐近年在演艺圈界的发展愈来愈好，影视双栖，工作也愈来愈忙，不过无论几忙都好，他一有时间都会尽量陪伴家人。来到一年一度的母亲节，家乐亦会同屋企人一齐食饭庆祝，以表他对妈咪和嫲嫲的爱，而他女朋友余香凝都应该会一起。提到他与妈咪和嫲嫲之间有甚么难忘事，家乐说：“我最记得读幼稚园时，嫲嫲日日都孭我返学校，因为我朝朝都唔愿起身，成日话唔想郁，嫲嫲就会由屋企孭到我学校门口前面放低我，直到有一日畀老师发现，先至唔再畀我咁样返学。”

而他与妈咪最难忘的经历是读小学时，有次踩单车受伤：“妈妈见到我受伤，即刻抱起我跑去屋企附近嘅急症室，跑到喘晒气流晒汗，好担心我，呢一幕我永远都唔会忘记。”除了买礼物送畀妈咪，他也会亲自下厨煮一日饭畀妈咪食：“以前我会煮啲好简单嘅嘢例如煎蛋同煎午餐肉，基本上系妈咪督促住我煮，依家已经识煮蕃茄炒蛋同煎牛排。”

相关文章

至于小时候可有被妈咪打过，家乐表示：“妈咪无乜打我，通常系爸爸打我，妈咪就喺旁边叫爸爸唔好打，其实我细个时并唔算曳，都好少畀爸爸打。妈咪话我好嗲，成日“妈咪、妈咪”咁叫到佢个心都融晒。”他谓希望将来可以送上10卡钻石给妈咪：“呢样嘢我争咗我妈咪好耐，细个时应承过会送粒10卡嘅钻石畀佢，但系我仲未有能力买，佢每年都会哦我，所以我会买份细啲嘢送畀佢先。”