【母亲节】张继聪冧爆叫老婆谢安琪负责快乐：其他嘢我顶哂！

又到了一年一度的母亲节，主角当然是一众母亲啦，做人子女的要趁机对妈咪表达爱意，其实做人老公的都要识得氹下老婆开心，因为做妈咪唔止要照顾小朋友，仲要照顾成个家庭，真系少些精力心机时间都唔得㗎。所以向来好爱锡老婆的张继聪就好识做，决定要出手去让老婆谢安琪过一个快乐的母亲节，确是一个廿四孝老公。

阿聪要出手做咩？咪就系负责照顾一对仔女，等老婆可以休息下啰。他今日于facebook上载了他和大仔张瞻以及细囡张靖的相，相中的他一边抱住囡囡，一边就喂仔仔食饭，慈父样出晒嚟，成个画面好温馨。他留言表示：“母亲节母亲们负责快乐！其他嘢我顶哂！ ”能够有个咁好的老公同一对咁乖的仔女，谢安琪今个母亲节一定过得开心又满足，唔知呢张相系咪她负责揸机影的呢？真系隔住个芒都feel到他们一家有几咁幸福。