张继聪搞笑源头来自太太？ 谢安琪：我觉得我风趣幽默过佢啰
撰文： 赖家杰
出版：更新：
谢安琪与王君馨今日出席时尚品牌活动，二人都为这个品牌一齐合作拍广告，她们讲到全因为这次合作，让二人成为好朋友，私下倾偈的内容，主要是围绕Kay照顾小朋友的生活趣事。
君馨讲到到要征服一个男人先要征服佢个胃，问到Kay如何征服老公张继聪，Kay笑说：“点样征服张继聪呀，咁害羞嘅事点样讲岀嚟呀？”
而最近潮流好兴“佛系乜乜乜”，而张继聪日前就喺社交网站讲到自己系“佛系接老婆收工”，好多网友就直言张继聪系一个好风趣幽默嘅老公，但Kay就否认佢风趣幽默：“其实我觉得我本人比较好笑啲啰，因为佢平时生活嘅笑料都系来自于我，我带俾佢好多欢乐。”，至于问到Kay觉得自己最搞笑嘅本领系乜嘢，佢就选择不回答，因为搞笑呢样只限俾老公，唔知道阿聪听到呢一句会唔会好sweet呢？
+2
Kay近日在社交网站分享自己日常做运动嘅动态，谈及做运动方面已经成为习惯，她表示以前肺唔好，而家想根治佢。Kay之后还透露令到所有粉丝都会兴奋的好消息：“宜家都有好多计划同Juno倾紧，都主要系专辑嘅事情，可能5月就闭关，希望5，6月可以推出新歌俾大家听到。”