《都市闲情》彭慧中水著疯传 女神唔觉性感：个肚已经起码有布
撰文： 赖家杰
出版：更新：
《都市闲情》女神主持彭慧中(Phoebe)今日（25日）出席品牌活动，身为艺人当然要时常打扮一下，Phoebe表示：“超钟意买衫，但会买一啲重复穿著嘅，可以多重配搭。”但钟意买衫就一定会使钱，Phoebe直言：“我好悭家㗎其实，我会等减价先买，个心好似会好一啲，但如果正价买，佢一减价就便宜好多，我心就会好痛。”
谈到工作计划，Phoebe表示工作忙完都可以抽空旅游。Phoebe话晒都系新晋女神，经常喺社交平台发“福利”比粉丝，而最近一张泳衣照就有好多网民睇完都表示喷哂鼻血，Phoebe讲到：“有留意到，但我觉得个张都唔系太性感，因为我觉得我著个件一件头已经多过我平时三点式，个肚已经起码有布，系咪先?”不过Phoebe都好多谢大家有留意佢。
除咗讨论佢性感之外，大家都会好关心艺人嘅感情状况，咁唔知道Phoebe和男友打算几时结婚呢，Phoebe话：“结婚当然未谂啦，但系有沟通，有挂......我觉得顺其自然，大家一齐开心，咁都冇特别去谂啲乜野。”Pheobe仲话：“自己唔急，反而身边嘅人好急，但我啲朋友就好急，每次岀去都问结婚未。”