《都市闲情》彭慧中每周见得30分钟　女神集气：要网民支持我多啲

如果平日放假留在家中无事做，识拣一定会打开电视睇《都市闲情》，点解？因为有靓女主持彭慧中著住短裙同你讲日常生活事！而且自她2015年起加入《都市闲情》，成为了网民心目中的女神，不过同时都觉得佢好似有点低调，因为想见女神仅限于一点二十五分至两点零一分！彭慧中听到都坦白咁讲：“我有好努力咁争取过㗎喇！”

彭慧中自2010年选完港姐加入TVB，她笑言这过程都是误打误撞，其后工作主要是主持，直到《都市闲情》就开始得到网民注意。可是短短三十五分钟的曝光时间又怎么会够？彭慧中都话好想拍多啲剧，都有去争取过：“我都有去努力争取㗎！不过可能我份人比较慢热，未入行之前份人已经唔系咁sociable，可能要再畀啲时间。”彭慧中坦言入行7年，虽然生活上没有太大问题，但都想多啲工作：“好多人都以为我好似无忧无虑咁，但其实唔系㗎！”不过她后来认为，还是要随遇而安去面对：“我等梗㗎喇！我将来应该会有机会㗎喇⋯只要网民再支持我多啲嘅话。”彭慧中不甘心只做《都市闲情》，但如果继续等下去，可能系五年、十年，咁仲等唔等落去？她听后迟疑了几秒再说：“唔知呀⋯机会要嚟就会嚟。”

女神的潜力除了被低估之后，感情世界都一样被低估。彭慧中身型娇滴滴，又有好身材，应该都会拍紧拖，或者有好多人追，但她斩钉截铁地说：“冇呀！唔觉有人追我㖞！”不过可能系彭慧中对拍拖都有啲要求：“咁都要睇定啲嘅，唔可以乱咁嚟。”彭慧中最想男朋友有安全感：“呢样系最重要㗎，要多啲关心我同紧张我。”听落好似好易，尤其女朋友是彭慧中的话，日日关心都得喇。