李佳芯唔知自己边部份最靓 女神搲晒头：答唔出添，大镬啦！
撰文： 赖家杰
出版：更新：
李佳芯今日(25日)出席品牌活动，现场展示咗好多珠宝手饰，李佳芯表示：“想以呢到为目标，希望可以揾多啲钱，将来都可以举办一个珠宝手饰展览，跟住自己仲可以做埋模特儿，呢个都系一个努力揾钱动力。”
现时香港地人人都以置业为目标，Ali都唔例外，又想做珠宝生意又想置业，Ali可以点同时实行呢？Ali回答到：“所以要赚多啲钱先可以做呢啲野。”Ali仲讲笑话现在唔贪心都可以买到厕所。
Ali一直都深受网民喜爱，最近为拍剧更剪短头发，一众网民纷纷表示希望佢可以留番长发，对此Ali就表示：“我希望我长短头发大家都会钟意。”再问到女神觉得自己边一方面最为漂亮呢？Ali就摆起一个苦恼嘅面孔，思考咗一阵话：“答唔出添，大镬啦，我唔知我最靓系乜野，我谂舒服啦，我五官唔靓㗎，但合埋一齐就顺眼啰，我唔知自己最靓系边一部分。”