【佛系神曲】艾粒《十戒歌》句句精警　办公室版本打工仔劲有共鸣

最近吹起一股佛系风，咩都兴讲佛系，呢个用语最初源于日本，现已成为了网络流行术语，而艾粒去年面世的歌曲《十戒歌》近日亦因为呢股佛系热潮而在网上翻hit。艾粒呢首歌的音乐本身就是一首佛曲，MV中两人全程都是披住条黄色毛巾，做出颂经手势，扮晒看破红尘咁，真系好佛系㗎。而首歌的歌词更是搞笑得嚟又十分精警，简单十句已经讲出现今做人处世的要点，跟住做晒呢十戒绝对会成为Better man。

《十戒歌》歌词：“唔好发家人脾气、唔好一脚踏两船、唔好约人又迟到、唔好借钱唔还钱、唔好讲人哋是非、唔好成日玩手机、唔好减肥又食嘢、唔好开口讲粗口、唔好上网写衰人、唔好样衰又自拍，完。”网民都纷纷留言话好好笑，大赞系金句，又话讲到中晒point。

而艾粒除了呢首佛系《十戒歌》，原来仲有一首“十戒歌办公室血液版”㗎，大家如果跟住歌词坚守呢十戒，office一定会温暖又和谐，同事间亦会相处融洽，一齐睇睇呢首歌的歌词啦：“唔好性骚扰同事、唔好发姣电同事、唔好JAM纸扮无嘢、唔好叮饭有怪味、唔好由水机干水、唔好偷公司文具、唔好成日开废会、唔好喷臭味香水、唔好姨妈到射波、唔好做只擦鞋狗，完。”网民继续like爆，仲话好有共鸣呀。