【流氓大亨】吴启华完美示范如何呃女仔上床 被拒绝后最紧要扮嬲
《流氓大亨》够经典，其实好多剧放在现今都一直沿用，甚至在现实中也会出现。在《流氓大亨》的第九集里，就出现了一段花花公子如何哄女子发生进一步行为的情节。不少网民看完后，都惊呼原来呃女仔的手段无论以前抑或现在都是大同小异，究竟系点？
首先，吴启华先带周海媚去离岛，睇吓日落行吓海边，多么的浪漫。点解要拣你？答案就系因为“你就系你”，答咗㗎喇？唔好理，最紧要女方受落！然后一啖钖落去，女方呢个时候话要走喇，吴启华就话：“留多阵先喇，一阵带你行一条捷径，一定赶得切（船）。”最后当然系赶唔到喇，咁点呀？唯有揾间房休息吓，渡过呢个夜晚喇。
入到间房，吴启华第一次间就开咗枝酒，司马昭之心咪就系咁解啰！坐喺张床揽吓钖吓，准备作出下一步行动嘅时候，周海媚一声：“唔得㗎！”咁吴启华当然要尽力说服：“点解唔得啫，你钟意我，我又钟意你。”再加多句：“唔系唔可以，系你唔钟意我啫，算喇。”之后就冲出房门。
【流氓大亨】罗青浩做细佬又俾万梓良真打 亚视经典剧套套有佢份
【流氓大亨】结局系万梓良亲自写剧本 Do姐：突然好大声so what
天真嘅周海媚紧系冲出去补救喇，都系𠮶种我哋仲未结婚，咁样唔系几好嘅籍口，之后吴启华就嚟料：“结婚只系种形式，我想知你到底钟唔钟意我，不如我哋就咁算，你讲得啱，我哋根本就唔夹。你知唔知点解我哋唔夹？唔系因为我屋企比你有钱，唔系因为我读书比你多，更加唔系因为我系太子爷你系秘书仔，呢啲问题只要我哋相爱就无问题。最难搞嘅系我哋嘅思想完全唔夹，我觉得只要两人相爱，再进一步只会令我哋更加坚固，证明对呢段感情有诚意，但你唔系㖞，你以为我想侵犯你，以为我想占你便宜。两个思想完全唔同嘅人，以为仲点相处几廿年，我同你好就系因为我想娶你做太太，但我哋思想相差咁远，以后根本唔会开心，不如而家分手。”
讲完硬说就到软话，一轮对唔住嘅说话，话头先好伤心，最终好快又哄得周海媚欢心，进一步嘅行动就此而成功进行，呢种情况，巴打系咪好熟口熟面呢？