【任噏乱评】如果周杰伦连十首歌都唱唔足 场骚仲值唔值得睇？
周杰伦演唱会近日在香港举行了同一系列《地表最强》的第二次巡回，这个系列的演唱会其实在上年的1月已经在香港举行过，由于反应好所以决定再开第二阶段。甫一开场大家便被舞台的效果所吸引，的确这个舞台是做得相当华丽，在周董出面后唱出英雄和双截棍两首快歌，在唱后者的时候更连续爆发几次烟花，确系几轰动。
正当以为场骚一直都会咁好睇，原来错的真不了。在之后的几首情歌，周董明显还未开声，唱快歌要快唱的时候，更是完全不入咪，基乎听唔到佢唱咩。都唔紧要，谂住等佢唱唱吓开咗声情况会愈来愈好，佢真系开到声，的确系唱得好听，但另一个问题就嚟喇，佢系开咗声唱到，但系成日都唔系自己唱。点样唔系自己唱？周不时就递支咪俾观众一齐唱，间中一次其实唔系问题，但佢系时常发生，我明明系想听周董唱歌，唔系想听全场大合唱呀！
周董一直以来都十分栽培后辈，相信大家都好认同，弹头、Gary杨瑞代及小麦等等都是大家听惯的名字。其实捧新人真系无问题，但真系唔好将佢哋当咗系演唱会嘅重点人物，仲好记得小麦solo唱歌，成个场立即开始流动，大家去厕所嘅去厕场，出场外食烟嘅食烟，个场面几咁齐心几咁震撼，估唔到周杰伦嘅演唱会都有咁大个厕所位。仲有三首周董爱情经典歌《枫》、《退后》和《搁浅》一律比晒弹头唱，唔系话佢唱得唔好听，但我真系想听由周董口中唱返自己嘅经典歌。讲起经典歌，之后仲有一part系唱一连串嘅爱情串烧歌，竟然系揾埋班兄弟五个人大合唱，周董把声几乎听唔到。
【任噏乱评】TVB十大25岁或以下潜质女星 年龄最细只有20岁
【三个女人一个因‧任噏乱评】高层未信任黄智雯 收视成平反理据
基本上成个演唱会，撇开递咪同合唱，周董究竟有无完整唱晒十首歌呢？好值得怀疑。咁我俾钱入场听一位歌手，而佢真真正正唱嘅原来只系得咁少，又值唔值得呢？呢个问题每人心中都会有一个答案，可以话俾你听，对于一个被周杰伦歌曲陪住长大嘅人，系绝对值得！每个人青春时期经历爱情，都一定会听过周氏情歌，无论你每一个爱情阶段都能够在周董的歌曲中找得到，是多么的刻骨铭心。有几多个人分手时会听《回到过去》；有几多人甜蜜时会听《甜甜的》；有几多人遗憾时会听《开不了口》，周杰伦的歌陪住呢代人渡过咗佢哋嘅青春，即使佢以后一首都唱唔到，一样会俾钱入去听佢嘅歌，呢张演唱会门票系用嚟买回忆。