《偶像练习生》GOT7 Jackson王嘉尔太严　周洁琼程潇对学员好失望

撰文： 沈洛嘉
出版：更新：
范冰冰细佬范丞丞泪晒萤幕。（网上图片）

中国选秀节目《偶像练习生》仲有4日就会播出第2集，当然继续会有一众韩星EXO张艺兴Lay、GOT7王嘉尔Jackson、PRISTIN周洁琼Pinky、宇宙少女程潇以及MC Jin欧阳靖和李荣浩坐阵！第1集《偶像练习生》最尾预告下一集就可以睇到乐华娱乐练习生李权哲、丁泽仁、范冰冰细佬范丞丞、毕雯珺、黄新淳以及曾出演韩国版Mnet选秀节目《Produce 101》Season 2嘅Justin同朱正延嘅评审表现，不过尾片就剪辑出范丞丞泪晒萤幕片段，范丞丞：“都话我靠姐姐”、“都话我无实力”等等。

王嘉尔教练习生台风以及Rap嘅发声。（影片截图）

而今日公开嘅《偶像练习生》第2集预告片中，就到王嘉尔Jackson化身严厉Rap导师，仲即场教Rap嘅发声、提醒参赛者眼神唔可以飘嚟飘去。观众应该记得王嘉尔Jackson喺《偶像练习生》中，见到好多熟识嘅脸孔，好似个个都系王嘉尔Jackson嘅朋友咁，就连Lay都忍唔住同王嘉尔Jackson讲：“你嘅范围好广。”不过王嘉尔Jackson喺台后接受访问时就表明自己好公正、公私分明，无话计朋唔朋友，啱就系啱、错就系错，所以朋友都无面畀啊！

王嘉尔Jackson公私分明！（影片截图）
第一次见到周洁琼咁恶啊…（影片截图）
+7

而《偶像练习生》第2集第1个任务就系要喺3日内学好《偶像练习生》主题曲《Ei Ei》，不过镜头转到去练习室时，竟然见到练习生大赞系女神嘅周洁琼皱晒眉好恶咁问：“好容易做到嘅事，点解你哋做唔到？”程潇就直指练习生基本功唔扎实等等，6位导师全部变晒严师！唔知一众练习生有无吓亲呢…

李荣浩都几mean…（影片截图）
曾出演《中国有嘻哈》嘅小鬼王琳凯就跟同公司练习生嘅张晏恺、周彦辰同朱星杰表演陈小春嘅《乱世巨星》！（影片截图）

《偶像练习生》第2集预告片

《偶像练习生》陈立农笑容融化严师Lay张艺兴@EXO　竟然话唔想攞A

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

[偶像练习生]继吴亦凡你有Freestyle吗?　EXO张艺兴Lay讲:BalanceEXO张艺兴订外卖叫自己“张富贵”？　Lay剥虾畀《偶像练习生》食《偶像练习生》抄《Produce 101》　私人服式学Wanna One赖冠霖