《偶像练习生》陈立农笑容融化严师Lay张艺兴@EXO　竟然话唔想攞A

撰文： 沈洛嘉
出版：更新：
嚟自台湾嘅陈立农今年先17岁。（影片截图）

山寨版《偶像练习生》未开播已经引起唔少人热烈讨论，不过播出之后观众对《偶像练习生》嘅嫌恶程度似乎就无预计中咁高，反而因为Lay张艺兴@EXO嘅“Banlance”、GOT7王嘉尔Jackson同 MC Jin欧阳靖嘅互动、仲有李荣浩“我唔可以影响佢哋（练习生）”嘅表情都救活咗《偶像练习生》不少。而台湾参加者陈立农就成为《偶像练习生》第一集第一个拎到A级嘅参赛者，化身最强黑马！不过观众请留意，千禧宝宝陈立农只系做半年练习星，学咗2个月跳舞咋！

同样来自台湾嘅陈立农（右）同许凯皓（左）就一齐对镜头畀心心。（影片截图）
陈立农自己同自己讲“立农你死定了”。（影片截图）

有睇过《偶像练习生》嘅观众都大赞“系咪台湾嘅男生都比较可爱”？因为陈立农一出场，现场参加者都不断大赞佢可爱、笑容好好、好阳光、系“雪糕系嘅男生”，仲跟一同嚟自台湾嘅R16世界街舞大赛第三名许凯皓一齐对镜头畀心心。而系后台准备评审选秀时，大型F牌无故自动，吓到陈立农自己都话“你睇下F同你挥手”、“立农你死定了”、“立农你完强啰”，仲叫个F牌唔好郁，又摇个D牌，表明自己想去D级添！

成集《偶像练习生》第一次见到Lay笑得咁开心。（影片截图）

不过呢位台湾小鲜肉陈立农唔单止圈走唔少粉丝、仲融化埋一众导师EXO张艺兴Lay、GOT7王嘉尔Jackson、PRISTIN周洁琼Pinky、程潇@宇宙少女，以及MC Jin欧阳靖和李荣浩添！就连陈立农系表演完之后，李荣浩就赞陈立农：“你嘅笑容对你嘅歌声有加分。”程潇就大赞陈立农好有潜力，而MC Jin仲问陈立农有无兴趣学Rap添！而系公布陈立农最终等级之前，Lay竟然大卖关子先问下陈立农觉得自己系咩级别，仲话佢表演都仲系觉得自己系D啊？而公布陈立农系A级之后，佢就话：“我真系无谂到自己会拎A，因为练习生嘅经历好短，有啲惊。”陈立农仲话自己唔想拎A，因为佢觉得唔够强又表现得唔好。不过陈立农嘅表现，观众有目共睹，相信佢嚟紧一定会有好大嘅进步！

MC Jin诚邀陈立农学Rap。（影片截图）
程潇同周洁琼就睇得劲开心！（影片截图）
最后公布陈立农有A之后，佢仲惊讶得即刻踎低咗！（影片截图）
但陈立农竟然唔想拎A。（影片截图）

更多图片

+26

《偶像练习生》陈立农参赛片段

  [偶像练习生]继吴亦凡你有Freestyle吗?　EXO张艺兴Lay讲:Balance

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

EXO张艺兴订外卖叫自己“张富贵”？　Lay剥虾畀《偶像练习生》食《偶像练习生》抄《Produce 101》　私人服式学Wanna One赖冠霖　偶像练习生场地厂景抄足Produce 101　Lay张艺兴@EXO：凭什么上台