[偶像练习生]继吴亦凡你有Freestyle吗?　EXO张艺兴Lay讲:Balance

撰文： 沈洛嘉
出版：更新：
PRISTIN周洁琼Pinky一出场，成班偶像练习生都劲赞好靓女！（网上截图）

韩国综艺《PRODUCE 101》的中国山寨版《偶像练习生》，终于喺昨晚播出第1集。虽然《偶像练习生》只系山寨版，但可能系因为有一众亚洲韩星如：EXO张艺兴Lay、GOT7王嘉尔Jackson、PRISTIN周洁琼Pinky、程潇@宇宙少女，以及MC Jin欧阳靖和李荣浩嘅加持，抑或那100位练习生已经坐拥一定人气嘅关系，《偶像练习生》首播上线1小时播放量就已经突破1亿！睇嚟经由《偶像练习生》选出嚟嘅最终9位幸运儿，真系可以好似全民制作人代表Lay@EXO咁讲成为“中国优质偶像男团”，甚至可以同正版Wanna One斗人气！

乐华娱乐今次共派出7位练习生，包括：范冰冰细佬范丞丞、Justin黄明昊同朱正廷。而喺Justin黄明昊同朱正廷出场时，节目组竟用埋KBS选秀节目《The Unit》嘅竞争歌曲《All Day》，《偶像练习生》又真系跟得几贴！（网上截图）

其他偶像练习生对于曾出演正版《PRODUCE 101》Season 2嘅Justin黄明昊同朱正廷都有正面评价，“知名度高”、“居然看到真人了”、“比电视里还要帅”等。而《偶像练习生》的观众看到Justin黄明昊换上一身黑色西装后，都感觉佢突然之间变得成熟，好似长大咗一样！

不过Justin黄明昊同朱正廷一说话就竟然破功，证明仍然系可爱青葱少年！（网上截图）　
睇嚟Lay@EXO嘅“Balance”会成为旧队友Kris吴亦凡嘅“你有Freestyle吗？”后，另一新潮语！（网上截图）

《偶像练习生》另一看点系Lay@EXO成晚讲得最多嘅“Balance”！保守估计Lay@EXO嘅“Balance”应该会成为继EXO前队友Kris吴亦凡嘅“你有Freestyle吗？”后嘅新潮语！不过究竟咩系“Balance”呢？EXO张艺兴喺评审多队练习生后，一直重复讲佢哋嘅“Balance”唔啱。搞到Lay@EXO最后都忍唔住拎转身反问练习生：“我啱啱一直讲跳舞嘅Balance，你哋都唔知系咩意思吗？睇住镜去揾最啱自己、最靓嘅动作，揾啱之后就要一直练，令自己嘅身体记住，只要一拎起只手就系呢个位置，只要揾到呢个Balance，就会为你嘅舞台加好多分！”

其实喺正版《PRODUCE 101》Season 2第1集中，舞蹈导师权宰胜就大赞过金Samuel嘅Balance好好、拍子好准确！大家可以参考下究竟咩系好嘅“Balance”！（网上截图）
+33

虽然Lay@EXO作为全民制作人代表，喺《偶像练习生》内真系好严厉！不过都冇令练习生们惧怕，反而大赞EXO张艺兴严格得嚟又有责任心、仔细、认真、专业，明白Lay系真心教好佢哋！

《偶像练习生》们虽然觉得EXO张艺兴好严厉，但就大赞Lay有责任心、认真、真心教导大家。（网上截图）

《偶像练习生》主题曲《Ei Ei》蔡徐坤Center

EXO张艺兴订外卖叫自己“张富贵”？　Lay剥虾畀《偶像练习生》食

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

《偶像练习生》抄《Produce 101》　私人服式学Wanna One赖冠霖　偶像练习生场地厂景抄足Produce 101　Lay张艺兴@EXO：凭什么上台宋仲基参加《偶像练习生》？　余明君更有Wanna One加持后台劲！