【踩过界】做奸律师入型入格　林韦辰唔怕演坏人：好多反派弹出

《踩过界》作为一套法律剧，有盲侠同Never这两个正派律师，当然都要有返一个咁上下实力的反派律师，林韦辰饰演的Gotham就是代表。今次是辰哥回巢TVB后第一套剧，不少网民盛赞他的演出入形入格，做到大律师的神髓。在接受《香港01》访问时他说：“其实做呢套剧我都用咗好多时间做准备，咁啱我楼下住咗个律师朋友，佢又系好似盲侠𠮶类嘅侠义律师，好多嘢我都会问佢意见，例如性格、身体语言、衣著等等。你见我喺戏入面成日都系著三件头，其实现实中佢哋随便好多，不过为咗配合套戏就无办法喇。呢类角色我都系第一次做，为咗行出嚟要有气势，都下咗唔少功夫去学，因为对手系盲侠，一定要食住佢个势。每一场法庭戏其实个厂都有好多人，后面啲旁听请得足，所以一定要背熟对白，唔甩得，因为法庭系一镜过，个场人又多，如果对白唔熟就会好易怯，之后就甩戏，所以都真系花咗好多时间落去。”

对于他第二次离开无线的时候(2004年)，被指因为角色大多都是反派角色，没有出头的机会，所以才离开，他认为：“其实又唔系全部都系奸角嘅，第二次返无线𠮶阵例如《洛神》或者《楚汉骄雄》都唔算系大奸角，只不过可能同主角有啲对立咁。今次返嚟始终都系啱啱开始，《踩过界》入面Gotham其实都唔系奸嘅，佢只系有自己嘅一套，追求名利唔想输官司。至于我下一套《杂警奇兵》虽然话系江湖大佬，不过都系客串吓，又唔可以作准嘅。其实对于一个钟意做戏嘅人，都宁静要一个反派但有发挥嘅角色，都好过一个正派但行嚟行去嘅角色。同埋你睇吓近年回巢嘅演员，好多时都系做反派弹出，帮到自己时又可以帮到套戏有张力啲。”除了帮自己和套剧，对于一些新人来说，有辰哥这样的老戏骨帮手入戏，绝对是一件好事。

重返TVB后很快就得到重视被签为亲生仔，会否是为争奖铺路呢？他说：“其实我唔算亲生仔嘅，因为我签邵氏架嘛，对于拎奖其实都已经唔太上心架喇，自己以前拎过，试过𠮶种滋味就够。（学袁文杰拍电影？）平常心喇，有机会都会去试，杰仔（袁文杰）挨咗咁多年，都系时间要发围架喇，我而家见到佢咁都好替佢开心。（再返大陆拍剧？）睇时间就唔就到，其实返上去都同开心，因为会见返好多旧同事，无论系演员定幕后，除时仲多过喺香港。”近来的确不少香港演艺界人士都北上寻求发展，始终上面人工高、发挥大，无论对前途抑或钱途都是一条最好的道路。