【后生仔倾吓偈】冯盈盈唔认公主病　同居有功能：负责煮饭整电器

冯盈盈(Crystal)要为自己不是公主病澄清㖞！话说昨晚的《后生仔倾吓偈》探讨的主题是跟伴侣去旅行，大家都分享自己跟另一伴出埠的经历，虽然无讲出一些抵死缠绵的情节，不过都有不少搞笑位，例如KOL波波曾经当着现任男友跟前度去旅行，还有人因为帮女友拍照拍得不漂亮而被诈型。而Crystal则说自己当年和男友一起参加exchange时，基本上是过著同居的生活，但自己只会煮饭却不会洗衫洗碗，自嘲被男友发现自己的“另外一面”，结果网民都说她是港女、公主病。

不过在接受《香港01》访问时，Crystal指自己已经今时唔同往日，她说：“其实我而家系识做呢啲家务架，例如洗衫同洗碗，因为喺我节目提过嘅exchange之后，我返到香港都系住宿舍，呢一年宿舍生活因为无人帮，要自己独立，所以要自己料理返啲嘢咪学识咗。坦白讲，我而家平时又真系少机会做呢啲家务，因为屋企有工人姐姐帮手。我又唔觉得我唔识洗碗同洗衫系港女或者公主病，因为呢啲系各有所长啫，我识煮饭，我识整屋企大小嘅电器，可能因为我以前中学有读过电脑，屋企嘅电视电脑有咩问题都系揾我去整，新买嘅电器都系我负责set。咁我觉得都系各有所长，我负责煮饭同整电器，另一伴就做我唔识嘅嘢，咁总有啲嘢系唔识架嘛。”想不到Crystal竟然会识整电器，这可是不少女士们的天敌。

但在节目中亦提及过，如果过份依赖工人姐姐，将来的小朋友可能就会被宠坏，甚至变成第二个乜都唔识做，Crystal指：“我谂如果将来要组织家庭，有咗小朋友，我谂都好大机会请工人姐姐帮手照顾。虽然讲结婚生仔仲系好长远，但系就算婚后我都应该会继续做嘢，唔会做全职嘅家庭煮妇。咁嘅情况下都需要一个工人姐姐喺我做嘢嘅时候照顾返个小朋友同埋屋企嘅锁碎嘢，咁我喺小朋友细𠮶嘅时候培养返佢做家务嘅习惯，帮工人姐姐一齐做，有时工人姐姐放假，就最啱叫小朋友做返自己啲家务。”

这个节目已经做了接近三集，讨论的声音没有因为时间或者放在J5播放而减少，其中一个原来就是节目中不少有黄色笑话出现，今集又提及到“食虾条”，究竟黄色笑话是不是节目中既定的情节呢？Crystal说：“其实讲嘅时候真系无心要讲呢啲，只不过大家真系好free咁倾，如果出到嚟嘅效果大家系觉得有趣嘅咁都几好，系节目其中一个想要带出嘅感觉，开心同轻松，呢啲嘢都好主观嘅。”其实节目本身有些黄色笑话都是本身想歪了才会出现，一笑置之吧。