【后生仔倾吓偈】冯盈盈笑嘉宾“原来系处”　贴地港姐：搞下笑啫

话说两位港姐麦明诗与冯盈盈，联同陆浩明主持节目《#后生仔倾下偈》，并请来8位90后KOL上去吹水，话题为求贴地，第一集就讲下读大学有几穷。甚么题目都不是重点，焦点就是两位港姐都是做节目主持，不过睇足20分钟，发觉冯盈盈表现得好放，反应都是真情流露，而且同一班KOL好啱嘴型，感受到虽然她出身小康之家，但都几贴地，第一次做主持都算系咁。

由于冯盈盈流露真性情，所以主持过程都忍唔住爆响口。一开初几个KOL自我介绍时，讲到貌似罗仲谦的型男Danny时，冯盈盈进撃地问：“你有冇ex（前度）都好似杨怡？”Danny随即反问：“你又知我拍过拖？”谁不知冯盈盈第一下反应就是：“原来系处…”她看似爆响口，之后立即饮啖可乐先，六号见状就帮她兜返：“佢系将感情处理得好好啫！”仲话冯盈盈头先口渴，所以讲唔晒成句㖭，反应真系好快。

其后讲开读书有几多钱零用，家境不错冯盈盈也不避违地表示有$10000零用，她见到自己咁多零用都有点心虚，她就解释：“多谢屋企人咁锡我啦。”不过她都有讲到读书时，都有做过一个月兼职售货员，其后就做模特儿揾下外快，所以她有得不只$10000呢个数。不过麦明诗听完爆咗句：“而家自己揾钱比之前赚多咗唔系好多。”听落好似好多嘢爆，但实则大学生毕业出嚟赚嘅钱系咁上下。

冯盈盈接受了《香港01》访问回应放得开的主持表现：“其实呢个节目想召集一班年青人，开开心心咁倾偈，等大家了解现今青少年系点同谂紧咩，希望营造casual嘅气氛等各位畅所欲言，所以我都唔想做典型主持人，想融入班嘉宾，好似朋友咁同佢地倾偈吹水。咁啱我同佢地年龄一样，又系啱啱大学fresh grad（刚毕业）， 因为有相同背景同共同语言，例如啲大学潮语，所以明佢地讲咩同特别夹嘴型。”她仲讲笑话：“我敢讲呢个节目系继ThinkBig儿童节目之后平均年龄最年轻嘅节目！”至于讲到爆咗句“原来系处”，冯盈盈曲线回答：“做节目时我感觉真系好似以前Ocamp或同大同gathering咁互相吹水讲笑，好快就倾得好兴𡚒同投入，所以都会互相讲笑
讲啲比较爆炸嘅内容😂其实都系无伤大雅嘅玩笑，纯粹为节目效果，搞下气氛搞下笑啫！”