【后生仔倾吓偈】冯盈盈箍仔高设防　男友有可疑异性：即unfriend

TVB节目《后生仔倾吓偈》顾名思义当然系同时下一班年青人倾计喇，播咗几集d题材又真系几吸引，当然两位港姐冠军冯盈盈同麦明诗嘅反应都系观众收看原因之一喇!而今晚𠮶集嘅主题就系开感情台，冯盈盈更大爆自己系“O2”(第二次拍拖)，仲分享“箍仔”秘技，除了已经结婚生子嘅女同学同auntie之外，其他异性一律unfollow，真系好鬼绝情！其后她接受《香港01》访问时就话，“会Check男朋友系社交平台最近add咩人，同埋我觉得有可疑嘅异性就unfriend佢地。”

冯盈盈之后就即刻解释以上讲嘅“审查”系拍拖初期先做，“始终当时关系未稳定，而且当时有感情难关嘅时候先咁做来令我安心。”当然喇，拍拖最重要系要同另一半互相坦诚同公平，冯盈盈都好认同，“我要求得佢咁做，我都会俾佢睇番我同所有人嘅记录，我地都知大家嘅手机密码，唔会有咩隐瞒。”

佢之后又话同男友两个人之间完全无秘密，“有咩困难都会一齐解决，就连我嘅facebook page佢都系admin，可以睇所有人send嘅message。”除了要坦诚同公平之外，有一样就系要肯迁就对方，“有时候肯就下佢，佢都好欣赏。好似我男友唔中意我装snapchat玩，因为有好多人都话呢𠮶apps会用来偷情，或者结识其他异性。我本身用开都即刻唔玩，但佢唔钟意，我都可以唔用嘅。”最后冯盈盈重申一次现时佢同男友都好信任大家，“反而现在工作忙，无时间谂呢啲。”