VIVA快闪尖沙咀铜锣湾街头　落力跳唱惹途人围观合照：好刺激

女团VIVA昨日（4日）于尖沙咀The ONE及铜锣湾进行两场突击快闪活动，跳唱出道歌《Topic Killa》及刚派台的第二首歌《DTR》，吸引众多途人围观，亦有不少fans收到风赶到现场支持VIVA，气氛热闹。

四人落力跳唱，观众反应热烈，欢呼声不断。首次玩快闪惊喜，VIVA表示紧张又兴奋，“第一次快闪，同埋只系出道咗两个月多啲，可能仲未系好多人认识我哋，有担心过draw唔draw到观众注意力。好惊喜同开心一上台已经见到好多人走埋嚟，多谢大家嘅支持，喺咁热嘅天气下停低睇我哋嘅表演。”

除此之外，四人异口同声大呼快闪演出刺激又新鲜，希望以后可以多点不同型别的演出，又透露将会有音乐会演出，“嚟紧8月17日我哋喺海洋公园有音乐节嘅演出，希望到时见到大家啦！”最后VIVA与现场围观的途人及fans大合照，快闪活动圆满结束。