专访｜新女团VIVA揭霍汶希Mani严厉一面 睇演唱会一件事即场被闹
Twins师妹英皇娱乐新女团“VIVA”今年五月正式出道，四名成员分别为：姜咏鑫（Ada）、李晞彤（Carina）、马思惠（Macy）及张鈊贻（VALC）较早前由金牌经理人霍汶希（Mani）亲自带到电台接受访问，以及宣传第一首派台歌曲《Topic Killa》。VIVA最近接受《香港01》 访问分享第一次公开演出虾碌故事，宣传第二首派台作品《DTR》，以及与Mani初见面的趣事。Carina忆述与Mani初见面：“佢𠮶阵时话我条腰同脚都比较粗。Mani眼中个体重磅净系一个工具，佢只法眼先系一个体重磅。”
第二首派台作品
讲到最近已经推出的第二首派台歌《DTR》，Carina分享：“我哋第一首歌《Topic Killa》其实就系好sweet，好娇滴滴嘅女仔去追求呆滞嘅男仔嘅情况，呢一首新歌就系调返转嘅剧情，主要系讲确定关系，呢一首新歌嘅风格就系比较霸气同主动。”至于新歌创作方面，VALC也有参与Rap的部份，她表示：“上一首歌Rap嘅部份嘅歌词唔系我填，其实呢两首歌都系同时间收到，呢一首新歌反而有发挥嘅空间，我自己填埋会有个归属感多啲，同埋个人化啲。”
至于有否留意首支派台作品《Topic Killa》歌迷们的评价和网络留言，Carina表示：“始终我哋四个都系新人，我哋都要听多啲睇多啲唔同嘅意见，咁先知道咩叫好或者唔好，睇到啲评论再去鞭策自己的不足。”VALC指出最深刻的留言：“𠮶四个女仔嘅风格都唔系好衬《Topic Killa》呢首歌，其实我哋本身听到同埋收到《Topic Killa》嘅时候，我哋其实都系咁样谂，唔系好衬呢一个Sweet嘅风格，但其实我哋去完韩国拍完个MV同埋学埋舞步，反而唔会觉得我哋唔衬呢首歌，直至有人讲返先觉得系㖞！”
有信心争夺新人奖?
谈及是否有信心争夺新人奖，VIVA异口同声表示：“我哋会继续努力！”她们指从未参加过颁奖典礼，不过以前都有收看。VALC说：“唔好话攞唔攞奖，始终都系出道咗一两个月时间，首先想多啲人认识。”至于现时Lolly Talk与COLLAR人气相当强劲，VIVA如何突出自己，VALC表示：“我谂我哋都系仲摸索紧我哋嘅主打风格，有冇两首歌嘅感觉都唔同，想揾啲歌展现到我哋四个人各自嘅魅力，现在我哋容易啲畀人记得嘅就系人数比较少，同埋我哋都希望可以表演多啲，揾一个我哋钟意嘅风格。”
VIVA与Mani初见面的趣事
一提起金牌经理人霍汶希（Mani）的名字，Carina随即表示当初签约Mani亦有在现场，她说：“其实可以话一入公司去倾个人发展方向，或者想组女团，Mani都系好认真，佢又好坚定又好霸气，佢好坚定！”她指第一次与Mani见面的时候，对方透露：“我系想揾一啲好有火嘅人，𠮶时我系迷惘咗两年嘅人，我望住佢即刻眼湿湿，我系好想要呢个机会，好幸运当时遇到Mani。”讲到Mani是一个很直接的人，她直言：“Mani话唔得㖞！你咁肥做到女团？其实我又唔觉得𠮶阵时好肥，佢𠮶阵时话我条腰同脚都比较粗。Mani眼中个体重磅净系一个工具，佢只法眼先系一个体重磅。”
谈到公司会否有体重限制，她们异口同声表示：“Mani直接攞个体重磅出嚟，好似身体检查。”Ada则分享与Mani初见面，并非与Carina一起约见，透露是独自前往公司约见对方：“我知道要去见一个大人物，因为知道佢系容祖儿同埋Twins嘅金牌经理人，所以有少少压力，同埋我自己一个人去见佢，变得会更加紧张，𠮶阵时坐喺办公室等紧Mani过嚟，第一眼见到佢就系好霸气，好有压迫感嘅感觉，仲有佢搽咗红唇膏，感觉佢系一个女强人，面对面都系唔系好感讲嘢。”她表示与Mani聊天最印象深刻的话题是有关箍牙方面的问题，她说：“佢叫我箍牙，我知道呢样嘢都困扰咗我好耐，其实爸爸妈妈一早就叫我去箍牙。”
VALC忆述与Mani最有趣的互动时刻是有一次去看张敬轩演唱会后台与对方碰面，她表示：“我𠮶阵时买完嘢攞住个白色胶袋坐喺VIP嘅位置度睇演唱会，之后去到后台遇到Mani，佢就见到我拎住白色嘅袋，就问我点解，佢就问我平时会唔会拎住个白色胶袋去行路。之后我就掉咗个白色胶袋，里面个面包同埋宝矿力我都掉咗。”她指直接被霍汶希闹：“你啱啱去完街市买𩠌！”
Macy透露当年签约是18岁的阶段，与Mani初次见面的时间是若干年前，她说：“𠮶阵时放暑假先可以染头发，我染咗一个橙色嘅头发，𠮶阵时我又钟意比较深色嘅唇膏，所以吓亲佢。”她指Mani向她表示染头发需要向公司申报，并继续说：“你细路女唔好涂啲咁深色嘅唇膏（深啡色）𠮶阵时好叛逆，有少少似巫婆。我觉得Mani讲得系啱，𠮶阵时唔系好适合自己，做咗呢一项唔系你钟意啲乜嘢嘢，就一定适合你。”至于公司会否下禁爱令，她们异口同声：“咁又冇，完全冇呢样嘢！”
VIVA望做Twins接班人？
讲到外界认为英皇娱乐有新女团“VIVA”有望打造“Twins 2.0”，她们引用Mani曾经说过的话：“佢以前有讲过任何做Artist嘅随时要准备好，好似以前Twins随时打侧手返就要打侧手返，佢就系叫我哋随时Ready好!”Carina指Mani非常重视“团魂”，并表示：“每个人都有不足嘅地方，要包容队友。”VALC受到Mani的教诲获益良多，她谨记这一番说话：“去到边都系舞台，都系展现自己嘅机会，做个访问起身跳舞都要跳到。”Ada谈及与队员有磨擦是很正常的事情，并笑言：“呢一个系相处之道，唔系净系套用喺我哋四个人身上。”
澳门第一次公开演出虾碌故事
被问到第一次在澳门水上乐园公开演出，VALC表示：“呢个演出好特别，系我哋第一次见真正嘅观众，同埋第一次公开演出，第一次四面台，第一次去澳门，好多嘅第一次集中系一齐，我最难忘系学识踩台，现在我要带耳咪去踩台会更加唔放松。”她指真正在舞台表演时已经克服紧张，并表示：“听到观众嘅声。”Ada笑言未开始面对观众已经很紧张，她表示：“《全民造星IV》事隔两年再面对观众唔知系点，所以好多顾虑。观众第一次见到VIVA可能未必认识我哋，未必听过我哋嘅新歌，当时畀我嘅情景系好窝心，就算唔认识我哋都会同我哋打招呼，都好欢迎睇到我哋嘅表演。”
这次表演结束，是否会加强鞭策自己的表现，Carina直言：“对我嚟讲第一次演出，其实之前去《全民造星IV》都系电视录影，今次见到一啲活生生嘅人，以前嘅观众或者公开活动都系疫情戴口罩，完全望唔到佢哋个样。但系今次好神奇望到观众嘅样，仲要睇得咁清楚，所以要更加做好嘅表演，观众俾心心，我反而就好专注同佢哋互动，唔记得咗自己准备要入歌，有呢啲虾碌嘅情况，自己都偏紧张。”Macy说能够在四面台演出已经是很幸运的事情：“第一次上呢个舞台就系四面台，对我哋嚟讲系好大嘅挑战，之前排好好多嘅动作，要去到现场嘅时候有好多变动，个舞台好复杂，变咗唔止系四面台，当刻系处理唔到。”她指这次演出绝对有美中不足的地方，更直言非常遗憾。
Makeup :
Cyrus Lee Makeup Team
Irene Hung
Davina Cheung
Hair :
Ritz Lam Jeremy Wong
Kelvin Liu Taka Chung
Hiro Chow @myos_hair
Stylist：
Constance Lee
Peli Lam
@Constyle
Stylist assistant:
Kary Leung @Contyle
Venue：Studio Meta