【专访】森美有抑郁兼专注力失调　做条快乐鱼毛：做咩都要有目标

最近有没有觉得诸事不顺，做什么事都提不起劲，感觉对这个世界没太多贡献？不要担心，因为在在浩瀚的宇宙中，你不过是微尘已而。
睇到依到唔好灰住先，既然世事如此，咪唔好理咁多啰，不如对自己好一点，森美最近推出了本新书教人《做鱼毛都要做得享受》，无错你就系鱼毛，但如何做鱼毛都做得快乐，就睇你造化喇。
摄影：龚慧

Google下都知，森美曾受抑郁症困扰三年之久，或者你会问一个有抑郁底的人怎样教人快乐啊？森美在访问时就亲自解答：“我个底永远都抑郁底，加上专注力失调，要持之而行去做一件事对我嚟讲好难，冇嘅，都市人个个都系咁㗎啦，所以我就要谂一啲方法去令自己开心快乐，集集埋埋，一年入面几十个有用嘅方法。”

食牛扒都要高层次

书中的文章其实大部分都是森美为报章杂志写的专栏，在谈讨快乐之前，森美喜欢教人调节心态，他坦言过去对工作的概念好简单，开咪就开咪，拍剧就拍剧，做节目就做节目，听落冇咩目标，浑浑噩噩咁。他表示：“当你嘥咗时间，你咪炆啰！咁我哋点样善用自己时间呢？就系每做一件事都要问自己点解要做果件事，做每件事都要有个目标。”

听落好简单，实践的例子都有，森美话食每餐饭之前不要单纯想要食饭：“譬如你食牛扒，你要谂试下块牛扒系咩味，每一啖都慢慢地品尝，当然你都可以谂食块牛扒会换来好多营养，但你意义愈set得高，个时间就愈用得好，咁你个层次就会愈高喇。”

原来食餐饭都可以咁有意义，我真学到好多嘢呀！咁其实每日一篇“正能量”是否森美为时间增加意义的方法之一呢？森美反而形容“鱼毛文章”是两刃刀：“佢帮到我，做完之后抒情到好开心，同一时间当你谂唔到嘢写，就好辛苦。”他坦言曾经试过一日坐3-4个钟都无灵感写稿，有时坐在沙发上思考，想到睡着，愈近交稿时间就愈痛苦，后来开始习惯在生活中寻找有趣的题材记住。

想出书用经历影响生命

讲起题材，森美心入面一直都有个好想写的题材，就是一本教读书方法的书，森美自言因为专注力失调的关系，自小读书就好辛苦：“所以我好想写一本关于专注力失调嘅人点读书，我读书唔系好，都叫读晒小中大学，过程好辛苦，但我都揾咗好多方法畀我自己读。”他表示一方面想为有同类型病的小朋友提供解决方法，另一方面想家长了解到这个问题，再作出相应的方法去帮助小朋友：“但一直未有好的起心肝去写，我冇个信心。”