【专访】森美理性爱情论唔系人人啱听：我觉得所有男人都要做兵
有人话，男人是理性的动物，女人是感性的动物，分手的时候女生总是哭到撕心裂肺；男人呢…我唔知，因为笔者是女生，直至我和森美做了这个访问……
摄影：龚慧
森美绝对称得上是理性动物的代表，当我和他谈到爱情时，他居然说：“所有嘢都好简单，都系身体上嘅荷尔蒙同DNA嘅结合嚟。”
请容许身体内充满浪漫细胞的笔者有两秒时间反个白眼先。
森美继续说：“感情感性系文人做嘅，睇完抒发咗会好开心，而我𠮶啲你睇完系冇抒发到，尤其系女仔系好唔啱睇嘅。”
OK，个访问可以完喇！（咪傻啦，男𠮶啲唔使睇呀？打稿啦你！）
理性地恋爱
今年书展，森美将会推出一本叫《暖男之规条》的书，呢一本笨唔系一本工具书，而是用理性的角度探讨时下男女恋爱方法的书，森美表示：“我有写过一篇点解成日都钟意贱男嘅文，系因为DNA定咗你钟意𠮶啲人，我叫呢啲做爱情坏习惯，譬如你钟意搞笑嘅，但搞笑嘅好多时都花心，咁咪成日都拣中，有啲生活模式同个人嘅性格系挂勾㗎嘛。”
森美相信爱情是生理反应的一种，正如你惊时手脚会充血，你见到喜欢的人身体好自然会有更多荷尔蒙分泌，所以青春期特别易有爱的感觉，森美甚至提议用好科学的方法解决恋爱问题：“有医学报告话失恋好伤心，可以食粒止痛丸，因为伤痛嘅感觉用止痛丸止到，所有人都觉得爱情系感觉，但系感觉系来自身体机能嘅反应，大部感性嘅人都唔钟意听我讲呢啲嘢。”
做兵好闲啫！
既然森美喜欢分析爱情，不如分辨一下暖男和兵有什么分别？大哥转一转脑筋，就说了一句：“暖男系大男人，好关心好体恤，会做啲唔系以自己行先嘅事，相反小男人会同你斤斤计较，暖男系姿态冇咁强，一个温柔嘅大男人就系暖男。”
另一方面，森美就认为男人“入伍”乃爱情中的“兵家常事”：“兵呢，我觉得所有男人都应该要做兵嘅。”（港女记者表示：成个访问呢句最啱听！）森美继续解释：“唔做兵系冇得追到个女仔㗎嘛，唔知几时开始觉得追个女仔就系做兵，咁所有爱情都系兵嚟㗎啦，你个男人唔去服侍个女仔，人哋点会钟意你啫，我谂每个男人都要做兵啰。”
不过俗语有话“有咁耐风流，有咁耐折堕”，森美应该都好Buy呢套，事关佢嘅收兵理论仲未讲完：“做兵就系要追求你嘅芳心吖嘛，我得到你芳心就赢咗你㗎喇，一赢咗你就到你做我兵喇㖞。”森美直言每个年代都有兵的情况，不过以前啲女生追返咁上下日子就首肯应承：“依家啲女仔自主独立好多喇嘛，咪继续有兵啰，系个社会嘅转变嚟嘅。”