林奕匡陪爱妻李霭玑照超声波　初见BB心情激动︰唔敢相信

林奕匡（Phil）和太太李霭玑（Rikko）结婚6年，上月在社交平台宣布有喜，Phil上载与Rikko手持胎儿超声波图的照片，并写道︰“New member of the family﹗非常开心同感恩，收到一份最珍贵嘅礼物，冇谂过今年可以有一个龙BB。We look forward to you coming into this world. There will be many challenges to come, but we will do everything we can to give you all the love in the world. OMG﹗我就嚟做爸爸，有啲紧张，希望龙BB健健康康，期待每日唱歌畀你听。”

今日（19/3）Phil和爱妻Rikko现身浅水湾出席品牌活动，Phil受访时表示：“其实当我哋知道呢个结果，我哋两个系唔敢相信，到我哋见医生，照超声波见到个BB之后，又见到个心跳同对眼，心情系好激动，系激动到喊。当时知道太太有咗，我系好想同大家分享，但又唔可以讲住，我系忍得好辛苦。”

Rikko接着说：“本身我嘅经期都好准，但发觉迟迟未嚟，于是就买验孕棒去验，点知出嚟嘅结果系有咗。心谂系唔系㗎？于是再过几日再验结果都系一样，我就攞畀佢睇，但佢同我就唔系好相信，因为𠮶两个月我身体系冇咩变化，到真系见医生之后，照埋超声波先确认成件事系真。医生话预产期喺8月份，到时生嘅时候，希望佢会陪我入埋产房生B。”