【唔编唔听】《深化危机》搞到Tim搲晒头 ：录咗3个Key先收货

《唔编唔听》Dear Jane来到篇第4集，有主音Tim出场，分享如何处理《深化危机》人声部份。
日前有表演者以“主音唔使练嘢”为内容作栋笃笑，在网上引起牵然大波。到底主音使唔使练嘢大家心目中数，即刻睇下Tim点样准备《深化危机》嘅Vocal部份啦！
摄影：梁碧玲

睇完Tim讲《深化危机》Vocal如何处理，可以睇番之前三集，Howie、Nice、Jackal讲解结他、鼓、Bass喺编曲上面嘅心思：

【唔编唔听】《深化危机》冇你谂咁易 Howie：简单又唔闷系最难

【唔编唔听】《深化危机》令鼓手失业？ Nice：唔通坐喺度拍手咩

【唔编唔听】《深化危机》Bass点先“好Un”？ Jackal：要有窿！

主音系有嘢练㗎！

可能有读者认为主音“冇嘢做”，只需张开口唱歌便可，那你就大错特错。

“人声”同样是乐器，同样需要练习才能在挥洒自如，所需时间、心机不会比练习乐器时间少。

Tim直言以往较少机会接触《深化危机》曲风的作品，而且人声旋律的Phrasing(乐句划分)扣紧编曲，与其他乐器的节奏重叠，事前花很多时间才摸索到如何演绎，并且唱得精准。

Tim举出《深化危机》Verse的一句作例字，“就当社交/谁甘心/多心/追踪/足印”，拍子与结他弹奏的乐句一样；再者，随着歌曲气氛推展，歌词变得密集，呼吸的节奏就变得非常重要。他解释：“如果你之前𠮶句吸啖气唔足，去到呢个位你一系唔够气；一系到下一句‘即影即有的/验证你我那衰退’就会冇气唱，呢个部份都都用咗啲时间去习惯。(留意歌曲43秒开始)

《深化危机》试足3个Key先录得好

承上文，Tim表示《深化危机》对Dear Jane以及他来说也是新尝试，面对新曲风，不能再用以往的方法去处理。他解释：“今次录音我会谂埋‘到底要攞咩feel呢？’以往录音我都冇特别花时间去谂，因为夹咗咁多年Band，好自然就唱到，但今次好唔同，到行入录音室𠮶下先发觉有啲嘢要改。”

他续说：“最初入录音室𠮶阵，谂住第1、2个Section(节)就搞掂，但后尾发觉有啲唔啱，反反复复去试，直头录咗3个Key，先至揾到一个Key可以俾我把声发挥到最好嘅Tone(音色)。”

要练到入血　做Live先稳阵

Tim分享过，在录音室花很多时间才能拿捏如何演绎《深化危机》，这些功夫没有白费，因为这样唱到“入血”，才能在现场演出发挥自如，他说：“喺录音室熟习咗呢啲嘢，到Live嘅时候，就算你周围行，呼吸唔同咗，起码你潜意识会好自然喺某个位置，准备处理嚟紧几句冇得唞气嘅句子。”