【唔编唔听】《深化危机》令鼓手失业？ Nice：唔通坐喺度拍手咩
今集《唔编唔听》邀请到Dear Jane鼓手Nice，继续解构Dear Jane《深化危机》的编曲部份。Nice直言：“《深化危机》系Dear Jane咁多歌入面，我度得最简单嘅一首！”
话虽如此，Nice又怎会容许自己打一个beat就“收工”，每次现场演出都会花心思做出比CD版更丰富的打法，快啲睇下Nice点讲啦！
摄影：梁碧玲
一个Beat玩晒成首歌？有冇搞错！
《深化危机》有别于Dear Jane以往的风格，加入各种电子元素，营造一种Urban、EDM的味道。在一“浸”电子嘢之下，其实Band Instrument(即：结他、鼓、Bass)依旧是主轴，只要大家细心一点就不难发现。
回到鼓的部份，Nice表示《深化危机》是Dear Jane众多作品中，“度”得最简单的一首，主要围绕*“Four on the Floor”这个经典Disco舞曲节奏。他笑言：“咁就可以玩晒成首歌㗎喇！有冇搞错！”身为鼓手又岂能会让这件事发生呢？所以他出Live会有更丰富的打法，更原汁原味之余，亦能配合并推动歌曲的气氛。
*“Four on the Floor”节奏，即每个正拍都踩Bass Drum，是经典的Disco舞曲节奏
如片中所示，Nice最初示范一个重复而平稳的节奏：1、3拍踩Bass Drum(大鼓)；2、4拍打Snare(小鼓)；配以8分音符的hi-hat。
及后，Nice示范一个较复杂的节奏，在1、3拍Bass Drum，2、4拍Snare的基础之上，敲击不同Cymbal(铜钹)做出16分或32分的节奏，打破重复单调的感觉，能配合歌曲需要推动气氛。
今时今日做鼓手要Multitask
Multitask—简单来说，就是身兼多职。除了一般打工仔被老板要求“百足咁多爪”之外，当乐手一样要。
《深化危机》一曲充满电子元素，为了在Live演出时，呈现出CD版大家听到Synthesizer(电子合成器)的声音，就需要用到Program(预录音效)，同时交由鼓手Nice控制。
Nice解释：“平时我哋Live，点解你会见到鼓手侧边有电脑又有一大堆器材，就系为咗播Program。明明现场冇人弹电嘢，冇人拉小提琴，但又有呢啲声，就系靠电脑播出嚟。”
他笑言：“不过我哋会抽走晒入面嘅鼓声，然后我再打唔同嘅节奏。如果唔系揿个掣播出嚟，我咩都唔使做，唔通真系坐喺度拍手俾反应咩！”