【唔编唔听】《橙海》Bass Line平实不平凡 CK：弹得太多就唔夹
《唔编唔听》来到第三集，有Supper Moment Bass手CK为大家讲解，如何为《橙海》创作“啱数”的Bass Line。
摄影：邓倩萤
Bass(低音结他)的声音往往被大家忽略，因为相对地高音易听的人声、结他通常都担当“主角”；但Bass这位“绿叶”亦非常重要，如果一首歌没有低音支撑住，就会变得很“虚”，一堆高音浮在半空很不实在。足球队都要有后卫守尾门，所以Bass的角色不容忽视。
即刻拉落去睇下CK点讲啦！
点击重温Sunny同阿鸡讲解《橙海》的木结他、人声及电结他部份：
【唔编唔听】《橙海》争啲变80年代老套歌？ 结他手阿鸡一招拆掂
【唔编唔听】Supper Moment编曲鸡精班 逐粒音拆解《橙海》
弹得简单先啱数！
听过《橙海》的乐迷会留意到，Bass的声音会在副歌部份出现，维持着稳定的节奏，只有简单的Fill in(过门乐句)间隔，没有复杂的技巧，如俗称“拍线”的Slap & Pop。
CK解释：“我哋Jam歌嘅时候谂紧，个编曲点样可以轻松啲、自然啲，你冇理由对住个橙海咆哮㗎嘛，系咪先？”他续说：“我作为Rhythm Section(节奏部份)，呢首歌就系要简单。同埋你听返阿鸡同Sunny都唔系弹得好复杂，主要做一个鲜明嘅节奏。”
还原基本步“Bass 101”？
讲到“简单先啱数”，到底如何应用？CK解释要“食个Kick Drum(大鼓)”：“每当个大鼓响一下，我哋就赋予佢一个低音嘅音域垫住，去做个节奏。”他更形容令到《橙海》有种“凉凉地”嘅感觉。
被问到有冇试过“忍唔到手”Slap几下？CK笑言：“其实喺Jam歌嘅时候都试过加多减少一啲嘢，自然地就会觉得‘唔夹’，有啲‘Un住’嘅感觉，所以试咗一、两下就觉得‘太多’。”
手多多打电子鼓变成《橙海》个Beat？
讲完《橙海》Bass Line点弹，仲有一样嘢关CK事，就系歌曲入面嘅电子鼓声。
结他手阿鸡笑言：“有次CK无端端玩Bass玩到厌，走去搞其他乐器，咁啱我哋有个电鼓插着咗，佢就喺到敲敲下，觉得几得意㖞个声！呢个动作令成队进入状态，所以Groovy嘅《橙海》就成形喇！”
所以话，创作真系要“撞出嚟”，你又点谂到随意敲几下个电鼓会催生到一首歌呢？
听完CK介绍《橙海》入面Bass Line点度出嚟，记得留意埋听日𠮶集，有鼓手阿达讲下真鼓同电鼓同时出现点先唔会撞！