【Monster Hunter World】配乐唤醒狩魂 《英雄の证》原来有含意
《Monster Hunter World》一推出便风靡全球，每位猎人都赶住升HR，打主线任，同班Friend一齐刷素材整惨爪龙装。呢个热潮嘅背后，其实有唔少幕后功臣，其中之一就梗系配乐啦！如果问起Mon Hunt嘅老玩家佢哋记得咩歌，除咗“约齐人Mon Hunt 嚟集会浴所一房等”的《猎人之歌》外，当然仲有“櫈等櫈灯 櫈等灯 灯等櫈”嘅《英雄の证》啦！呢首配乐唔单止系Mon Hunt嘅主题曲咁简单，更加说得上系Mon Hunt嘅精神所在，每次只Game正式发售前，只要喺Game Trailer当中听到呢首歌，潜藏喺大家心中嘅猎人之魂就会觉醒。(唔怪得Mon Hunt啲Game可以咁畅销)
每次听到呢首《英雄の证》，除咗燃烧起猎人之魂，仲燃烧起买Game嘅欲望。
呢首《英雄の证》之所以咁成功、咁有代表性，除咗每一代都有一个唔同嘅版本之外，其实成首歌都非常有含意。先同大家简介一下，《英雄の证》其实系由日本作曲家甲田雅人创作，经历多代变化，其实也有多位编曲家经手进行新一代改编，当中最为著名的，便是森田一浩，基本上最初代的版本，以及各大音乐会中演奏的版本，也是由他进行编曲。不过数到这么多版本的《英雄の证》当中，最为有趣应该是由甲田雅人改编的Jazz版本，与原版宏阔的感觉大相径庭，摇摆而且轻松，最啱摸住酒杯底听。
呢首Jazz版《英雄の证》大家又点睇？
而在最新一集《Monster Hunter World》当中，《英雄の证》又有全新面貌，皆因今次由另一位作曲人康贞兰操刀，虽然保留了歌曲中最鲜明的部份，但中间B段却完全改变，敲击乐更为突出，令部落感更浓，充满非洲音乐的风格。
喺最新版嘅《Monster Hunter World》当中，《英雄の证》亦有相当大改变，好似听紧《狮子王》嘅配乐咁。
歌曲有新版其实系好事，不过对忠实玩家嚟讲，可能会有少少接受唔到，因为《英雄の证》嘅原版，段落鲜明之余，原来仲好有意思，歌曲每部份都系表达紧唔同嘅狩猎情境。甚至有啲部份，编曲刻意模仿游戏中的声效，例如是被魔物发现时的声音，令亲切感大增。
一路听Live版嘅《英雄の证》，一路留意下列嘅导读，你会发现呢首歌嘅编排好有趣
00:00 出发!寻找魔物！
00:38 魔物发现你了！
00:54 与怪物发生激战！
01:15 跑遍整张地图寻找魔物！
01:58 你猫车回营地了....
03:09 但是还是不能放弃!拿完补给品再接再厉！
03:54 再次与魔物发生激战！
04:16 给魔物最后一击！
04:28 获胜!领取报酬！