【Monster Hunter World】C君“芒亨”斩龙超疯狂：初一斩到初四
《Monster Hunter World》今晚（1月25日）终于有得玩啦！贵为年度大作真系令一众机迷为之疯狂。不过讲起“芒亨”忠粉，又点少得“农夫”呢对组合呢。他们还在2011年专门创作了《猎人之歌》这首作品，一边打《Monster Hunter World》，一边听《猎人之歌》，真系爽到不得了。
《Monster Hunter World》的狂粉之一，C君接受《香港01》访问说：“哗，讲“芒亨”好吖，最钟意做呢啲访问。（今晚就有得打，你买咗未？）我一早beta就买咗啦，虽然呢2日要返工打唔到，但系我已经约好哂朋友28号开波。28号我仲攞咗全日假嚟打，真系好奢侈！𠮶日我同朋友约埋准时朝早9点开场添。”说起“芒亨”，由电话另一边都感觉到C君兴奋又期待的心情。
话时话，其实2位“农夫”与“芒亨”的缘份由好耐之前已开始。C君：“其实打‘芒亨’一日边够。仲记得几年前PSP ‘Monster Hunter 3G’出𠮶时，我哋新年𠮶排放假，年30晚就约齐friend喺屋企玩，初一初二拜完年又打，再打到初四，直头扎营咁。𠮶时差唔多成20人一齐喺间屋度打‘芒亨’，真系好开心㗎。我记得之前拍《Do姐再shopping》都有带埋部机去玩。”原来C君同班朋友咁热血，唔怪得会有《猎人之歌》啦。
对于“芒亨”迷来说，其实“芒亨”代表的不止是游戏这么简单，更多的是代表朋友之间的友情岁月。有玩开的朋友，打开手机通讯录的话，总会有3，4个是来自“芒亨”的战友。虽然随著朋友们的成长，各有各忙，但是“芒亨”就正是连系朋友之间的桥梁。当喺理由又好，借口又好，总系可以约到三五知已一齐屠龙，甚至乎坐喺“麦记”都可以识到“屠龙友”，呢个先系重点。
C君：“呢集陆永会回归吖，佢2个女大个咗（6岁），可以多返啲时间打。讲讲下我已经想今夜凌晨即刻约齐人屠龙。我今集会用重弩多啲，佢就钟意用大锤...”真系讲起“芒亨”,C君有排吹！