【Monster Hunter World】女神张曦雯准备开场：Capcom送芒亨俾我

撰文： 林迅景
出版：更新：
样靓身材好又识打机，简直系“完美女友”。（Instagram图片）

《Monster Hunter World》今晚（1月25日）就有得玩啦。除了家家户户都屠龙之外，连艺人都热衷于“芒亨”。说起游戏，当然就不得不提“打机女神”张曦雯啦。自从Pearl Tonight张曦雯直播自己打《BIOHAZARD 7》后，Kelly就即刻被网民捧为女神。网民们除了食饭返工返学之余，就是晚晚上直播网等睇女神打机。每逢Kelly直播，都起码吸引到过千人观看。

张曦雯钟意打嘅唔系可爱风嘅游戏，而系偏向射击。（网上截图）
以前张曦雯仲有开Twitch打机，宜家可能要上BigBigChannel先见到佢。（网上截图）

身在外地的张曦雯透过whatsapp回复《香港01》：“系吖，Capcom已经送咗只game俾我。不过我唔喺香港，所以就用唔到ps4玩。”哗，Kelly真系幸福，仲有埋厂商贸赞助添。相信到时候Kelly又会开live打机，网民又可以睇住张曦雯表演啦。唔知今次又会唔会好似打《BIOHAZARD 7》咁，连续打足9个钟呢？

其实张曦雯打机叻已经出哂名，厂商会送game俾佢一啲都唔奇。（Instagram图片）
+5
【禁色令】钟意游水唔会收起性感　张曦雯：无理由唔着泳衣【3日2夜】张曦雯keep fit唔需要戒口：最钟意食汉堡包同薯条【多图】《3日2夜》女主持水上摔角玩到癫　张曦雯毛里裘斯有艳遇【有片】张曦雯打机最强打打杀杀：运动同揸车唔系好叻！【有片】张曦雯机舖打《街霸》　 直落三铺KO麦美恩【Biohazard 7】女机神张曦雯15岁穿脷环　自称千杯不醉未断过片【BIOHAZARD 7】Pearl Tonight日日打丧尸　张曦雯：连续打9个钟