【专访．有片】Rap咩语言都有批评 MC Jin：14岁就俾人叫收皮
由美国rap赢黑人成为《106 & Park》七届台主，到香港个个都认得佢系“ABC”、“立青哥”，再到现在以Hip Hop Man身份在内地人气急升，MC Jin一路走来的高低起跌比电影更精彩。MC Jin试过放弃Hip Hop差点由rapper变成收银员，幸而他视挫折与批评为动力继续走下去，大家才会见到今日的Hip Hop Man。
陈顺祯摄
上一集MC Jin与大家分享过06、07年在美国浮浮沉沉，捉襟见肘得差点放弃音乐。不过，成功背后要面对的批评又岂止如此，无论用甚么语言rap都有反对声音，MC Jin话：“去到依家开始用普通话rap，外界都有唔同声音，有啲人会话‘你收皮啦！’”
身为公众人物除了要心脏够强大，更重要的是“知道自己做紧乜”，MC Jin由第一日踏足Hip Hop界就明白这个道理。MC Jin在美国发迹，亚洲人rap英文都引起过不同回响，对于“俾人叫收皮”这件事，MC Jin今天回望，坦然地说：“我初初开始用英文rap𠮶阵，‘收皮’呢样嘢，我14岁已经接触过啦，所以依家三十几岁先接触唔会系啲咩，唔会大反应到‘吖！佢叫我收皮呀！’”
能够坦然面对批评才能继续进步，而且MC Jin相信音乐能够打破语言限制，他表示：“无论我用咩语言rap都好，我追求嘅系点样会有突破，点样可以表达到自己。所以你问我依家开骚会唔会有包袱，有冇顾虑需要减少啲英文呢？我又冇。”
MC Jin又幽默地说：“就算Justin Timberlake去香港开骚，佢都唔会担心‘我全部英文歌点算好呢？’当然佢无啦啦唱首《月亮代表我的心》，我都会哗一声啦！但系我亦明白，音乐好正就系有呢个力量去跨过语言问题。”
既然MC Jin能欣然面对对过往的批评，那现在因Hip Hop Man而赢尽掌声，又会否觉得这个称呼带来压力？他表示：“我明呢样嘢会变咗一个icon，我不知几开心啦，其实呢个称呼好有意思，就系代表紧Hip Hop，所以压力又冇，同埋觉得系一个荣幸而且唔会滥用佢。”他又提到，如果能透过Hip Hop Man令大众了解到Hip Hop的历史，更接受Hip Hop文化使已很满足。
相信大家都知道Hip Hop Man的出现是来自MC Jin囝囝一句窝心的说话，不过原来都同星爷周星驰有关，MC Jin话：“其实我好多灵感都系嚟自星爷，就好似《食神》入面，星爷最尾讲咗句‘根本就冇食神，或者个个都系食神。只要用心，人人都可以系食神’，呢个亦都系Hip Hop Man嘅精神。”
正如《Hip Hop Man》歌词所说：“只要你尊重这个文化，我们个个都在同一个家！”
睇完呢两集，知道MC Jin点样挨过艰难嘅日子，又睇到佢可以欣然面对“收皮”嘅声音，其实真系唔容易。不过对于Hip Hop是否商业化，《中国有嘻哈》带嚟嘅影响，原来MC Jin都有一套见解，大家记得睇埋一下集喇！