【十大中文金曲】Supper Moment及ToNick同台得奖　打破乐队定型

由香港电台举办，“第四十届十大中文金曲”颁奖典礼今日于香港知专设计学院综艺馆举行。乐队Supper Moment及ToNick以往被标签“独立”、“Indie”，今次同台得奖，可谓乐队文化的里程碑，同时鼓舞了其他一直默默耕耘的乐队。

Supper Moment与ToNick成军超过10年，如果有留意开香港乐队圈的读者都会记得，从以往大大细细的Live House、西湾河蒲吧、大学AP演出，两队乐队经常同台演出，可谓同期出道的“兄弟Band”，事隔多年终于一同打入主流平台一同得奖，实在意义非凡。

ToNick今年势头强劲，《长相厮守》传唱度十分高，同时亦凭《长相厮守》夺得十大金曲奖，台上主音恒仔话：“夹咗10年系一件好有意义嘅事！我谂我哋玩咗可能有过千场Show，大大小小嘅Show都玩过；但系第一次上颁奖礼嘅舞台！我会继续做多啲好嘅音乐，希望可以重遇你哋多一次！”坚持10年，累积过千次演出经验终于能站颁奖台，不只对ToNick，还是对整个Band Scene注入一支强心针。

ToNick在后台接受访问时表示，能在主流颁奖礼得奖他们心情非常兴奋，结他手小龟话：“系一个对自己嘅肯定，因为我哋由第一首派台歌系《What A Sunny Day》，都讲紧接近10年前。今年真系好感恩，其实观众钟唔钟意你嘅音乐好讲缘份，我觉得今年系ToNick同观众好有缘嘅年份！”恒仔又话：“头先好感动！我哋4个好似出发咗好耐，好似一齐种一块田，种咗10年，依家终于见到有啲发芽喇㖞！同埋香港做乐队嘅一齐努力！因为音乐呢样嘢只要肯做嘅话，就会有佢发芽嘅一日！”

另外提到今次颁奖礼与Supper Moment同台得奖，大家一起成长到今日得到外界肯定，ToNick都非常开心：“𠮶下真系好想大力揽住佢哋(Supper Moment)，以前一齐喺观塘嘅大厦朝见口晚见面，一齐出骚经历过𠮶段时间真系好开心！”又讲到：“佢哋之前一路都好努力，系我哋好好嘅推动力！其实系互相影响，正如有人听完ToNick嘅歌会做一啲嘢，我哋见到Supper Moment行呢条路原来系OK㗎㖞，掉转有人见到ToNick做咗10年终于有奖攞，又会继续玩音乐，其实好多嘢都系互相影响。”

Supper Moment连续3年蝉联十大中文金曲的“最佳乐队／组合奖”，今年与同ToNick一起得奖，他们认为这是一个里程碑：“系向住一个好嘅方向嘅发展嘅里程碑！”主音Sunny话：“我哋同ToNick、Kolor有一段时间经常一齐出骚，头先一宣布佢哋个名𠮶阵，𠮶个拥抱好有份量，包含住好多画面！好似返番去以前蒲吧喺后台一齐hea，大家互‘gut’，一齐玩嘅画面！”呢一份友谊好特别，大家喺音乐上都有一个方向去行，今年佢哋《长相厮守》呢首歌真系好好！我希望下年佢哋有更多作品得到大家嘅认同！”

鼓手阿达补充：“其实几年前有人会觉得我哋慢慢步向主流，但系我哋个答案系希望可以唔使再咁样去比较，唔使再‘主流’、‘独立’咁样就最健康！”

Bass手CK又话：“作为乐队有机会可以行上颁奖台可以攞奖系一个肯定，希望乐队唔系每隔10年出现一次嘅潮流。我希望依家有呢个肯定之后，一啲唱片公司，或者投资者可以多啲留意乐队；多啲朋友会明白乐队系一样可持续发展嘅事。继而可以感染到多啲人玩音乐，或者投身音乐行业，无论系Sound Engineering、Mixing、台灯声，推动属于香港嘅制作。”

既然乐队文化近年开始备受重视，乐队开始变得“有牙力”，Supper Moment会否计划举行音乐节形式的活动继续推动本地乐队文化？结他手阿鸡话：“暂时卖个关子先……系有嘅！你估到一啲我哋下一步会想做嘅事！”主音Sunny补充：“但系要等一个好嘅timing，因为入面牵涉好多行政嘅嘢，需要好多时间去筹备。因为上次Clockenflap我哋出动晒我哋有嘅资源去做，发现连外国嘅观众都会respect，所以会有啲信心。下年应该系有一个少少嘅尝试，行一细步。希望他朝有一日我哋咁多队band可以聚首一堂，甚至连香港以外嘅单位一齐去搞。”