【十大中文金曲】李克勤曾经历最惨颁奖礼：试过入去坐嘅机会都无

一年一度的乐坛颁奖礼又来了。今年香港电台打破往年惯例，先由他们颁发乐第一张乐坛成绩表。今日（12月17日）下午举行的“第四十届十大中文金曲”中总共颁发30个奖座。至于另外5个奖项将会在1月4日的音乐会颁发。在今次的颁奖礼中，入行30周年的李克勤独得3个奖项（十大中文金曲、优秀流行歌手大奖及销量歌手大奖），成为今天的大赢家。

李克勤接受《香港01》访问时坦言，今年特意预留时间出席颁奖礼，“对于我嚟讲今年出席嘅颁奖礼全部都系同‘承诺’两个字有关。因为今年年头，我同祖儿（容祖儿）喺内地做巡回演唱会嘅关系，TVB专程派人拎奖颁俾我哋。而过往两年香港电台都有颁奖俾我，但我都同样因为工作关系而缺席，但佢哋都有颁。例如系之前派台嘅《一个都不能少》，或者系之前校长（谭咏麟）写俾我嘅《你最重要》，港台都有颁奖俾我。所以我喺年头嘅时候，我承诺年尾一定会出席颁奖礼。而且，可以亲身上台攞奖始终都系一件开心嘅事。”

今次克勤先获3奖，成为暂时的大赢家。克勤忆述他试过比颁奖礼“食白果”更惨的经历，“过往30年出席过好多唔同嘅颁奖典礼，成绩最丰收或者系最惨烈嘅我都试过。最丰收嘅就系得到‘最受欢迎男歌手’、‘金曲金奖’、‘最优秀男歌手’呢啲奖。至于最惨烈嘅唔系颁奖礼‘食白果’，而系人哋唔记得叫我去出席。记得有一年我喺屋企睇某颁奖典礼，我就问同事‘今年我去颁奖礼坐下都好呀’，点知原来人哋无邀请我。我当时连想入去坐嘅机会都无，我觉得呢个经历系惨过‘食白果’。”

近年乐坛青黄不接现象再成讨论话题，克勤对此情况司空见惯：“其实香港乐坛无话青黄不接。每一个年代都会有新人，需要畀时间一班新人。我自己都做过新人，我都面对过呢啲问题。正如好多年前已经有人问谭校长‘青黄不接’呢个问题。其实呢个问题每一年都有人问，亦都会有人答。我觉得依家有好多有实力嘅新人，好似今日攞‘十优’（优秀流行歌手大奖）嘅时候，企喺我旁边嘅JW（王灏儿）第一次攞呢个奖。JW系一个唱歌唱得好好而且好有潜质嘅女歌手。除咗JW，我今日第一次见到乐队ToNick，佢哋今年有一首好hit嘅歌叫《长相厮守》。呢啲全部都系乐坛嘅新力军，我觉得乐坛唔只系得一啲大家熟口熟面嘅歌手，系应该多啲唔同嘅人，我希望大家共勉之，一齐为香港乐坛努力。”