【十大中文金曲】菊梓乔获“最佳进步银奖”：觉得自己系有价值！

由香港电台主办的“第四十届十大中文金曲”赛果今日出炉，同时亦成为今年第一张乐坛成积表，有别于以往新城电台为先。较早前已颁发“十大中文金曲”，详情请点撃以下连结：

传送门：

【十大中文金曲】今午颁发乐坛第一张成绩表 李克勤成得奖第一人

至于今年的“全年最佳进步奖”得主分别由林欣彤（铜）、菊梓乔（银）及钟舒漫（金）夺得。银奖得主菊梓乔（Hana）接受《香港01》访问时表示：“我上年出道，能够出道做歌手已经对我嘅人生有好大转变。音乐就系我生存嘅意义，过去十几年我一直努力，做自己喜欢嘅音乐，但过去一直都唔成功。直到上一年正式成为新人（歌手）。做完新人，短短半年时间就加入星梦娱乐，公司老板Herman（何哲图）好信任我，好相信我。令我由一个好无自信嘅人觉得自己系有价值。今年由1月开始出第一首派台歌《一辈子守候》，直至依家原来已经12月，喺呢段时间我遇到好多首好歌，首首都好好听，好似为我度身订造。所以我想讲，‘星梦娱乐’、仲有‘创富文化’呢两间公司真系放咗好多心机喺我身上，我真系好多谢公司每一位，多谢佢哋相信我，更重要系佢哋令我都相信我自己。”

问到近年多唱剧集主题曲的Hana，来年会否像师兄胡鸿钧一样拍剧，Hana坦言她不能胜任：“最大原因我身体好差，拍剧系一样非常辛苦嘅事。虽然我唔怕辛苦，但系我真系会成日病，会病到起唔到身。近两个月我已经开始睇中医调理身子，仲有开始做多啲运动，希望可以有一个强健嘅体魄，因为我今年真系病咗好多次，入咗几次医院。上次喺马来西亚出席一个颁奖礼，我出场之前食物中毒，最后仲上唔到台入医院。新一年都系想健康第一，工作第二。”