【专访】Shine开金口唱《十八相送》 变集体回忆全因当年商场骚
“摘去鲜花然后种出大厦，层层叠的进化……”Shine一曲《燕尾蝶》唱到街知巷闻，也标志着80、90后的青葱回忆，相信不少读者今天再听《十八相送》、《天又蓝》、《祖与占》、《东涌日和》等等作品，脑海都会泛起以往的种种片段。
数数手指Shine已出道15年，天佑与又南都由“半成年”变成今日的大男孩，明年3月将会举行15周年红馆演唱会，相信不少追随多年的乐迷都满心期待。不少人以为Shine在06年已拆伙，又有人觉得他们开骚是“短暂重组”，不过天佑与又南一句：“Shine永远都喺到，我哋冇谂过拆伙呢样嘢！”打破上述所有谜团。
摄影：陈顺祯
天佑与又南早已有举行15周年演唱会的构思，但种种原因令计划胶着，不过深夜的一通电话令演唱会终于成事。天佑说：“好记得有一晚凌晨4点几，我忍唔住打俾又南，佢竟然未瞓，我就话concert嘅事系时候要再倾，点知又南都话‘其实我一早都想同你讲呢样嘢’，𠮶一刻发现原来大家嘅谂法仲系一致㗎！”
虽然近年天佑与又南大部时间各有各忙，但默契仍在，就如Shine成为了大家的集体回忆，一直都在乐迷脑海。但若果没有这股“回忆潮”，Shine会否在06年就此成为历史？他们没有想太多，天佑说：“回忆就冇得冇嘅，我哋都冇去谂任何嘢，集体回忆都唔系我哋自己讲嘅。”
虽然天佑与又南有段时间专注各自工作，但默契仍在。（陈顺祯摄）
Shine一直都没有宣布过拆伙，但天佑与又南在06年开始各自有发展，难免令人有错觉，又南都话：“有啲位系好尴尬，我哋冇同大家讲过我哋想点样，唔怪得有人会认为拆咗伙，其实我哋冇谂过要拆伙。”不过06年一个商场骚令天佑与又南都有一种“滑哑”的感觉，成为他们想专注各自的工作事的触发点。
他们忆述：“当时一个商场骚宣传紧《Shine On》呢只碟，公司问我哋会唔会弹结他，我哋话‘弹啰’；又问会唔会唱埋和音，我哋答‘唱啰’；再问不如播MMM垫底你哋再唱啦，我哋话‘好啦’。就系𠮶一日就发现点解大家做嘢冇晒冲劲，冇晒感觉，好似去到一个樽颈位咁。”
虽然演出去到樽颈位，但Shine的兄弟情没有变，又南话：“不过我哋两个兄弟𠮶种友谊系冇变，唔系因为私人事，只系因为上到台表演好似俾唔到火花大家咁。”
天佑与又南专注各自工作好一段时间，不论幕前幕后都有参与，丰富了阅历再聚头找到新的火花，到12年黄伟文作品展外界反应非常好，再到十周年演唱会，令Shine“重组”。
提到词人黄伟文，Shine视他为恩师：“Wyman绝对系我哋嘅恩师，一来我哋有8成嘅歌都系佢填词，最感动系到今次演唱会有新歌想邀请Wyman填词，佢一口应承话‘呢两只仔睇住佢哋长大嘅，一齐去啦！’我听到之后真系眼有泪光，真系好感动，因为呢样嘢唔系理所当然佢一定要做嘅嘢，佢真系好撑我哋！”
Shine入行15年经历过不同高低起跌，他们亦庆幸有很多前辈提携，讲过很多鼓励的说话，即使是微小的事情他们也印象深刻，这些片段对亦启发了他们，所以天佑与又南将15周年演唱会的主题定名为《Moment》，希望乐迷分享这些珍贵的时刻。
听完《十八相送》觉得唔够喉？记得睇埋下一篇报道，Shine会唱《天又蓝》之余仲会回应网民mean comment，大家切勿错过！
场地：Show Bros Rental Ltd
Hair: Louis Tse @Number 8 Hair Salon
Make up: Henry Tse @BigCstyling
Wardrobe:
又南: all form Kent & Curwen
天佑: shirt from scotch &soda ,sweater from Kent & Curwen, jeans from American eagle outfitters