【一首歌】周国贤Rock友情歌 《地下街》“跟你终老”
撰文： 黄浩晋
出版：更新：
一讲周国贤，大家可能自动会谂起“周国肾”、“肾仔”、“港版Kurt Cobain”等等嘅花名；甚至会咎病以往佢唱Live，笑佢系“Studio Voice”。话虽如此，但周国贤沉寂一段时间后，近年唱Live稳阵咗好多，假音“冇咁假”，真音上高音又够实净，值得大家留意下，唔好再笑人以前啲黑历史喇。
除此之外，周国贤嘅创作才华真系不容置疑，初出道的《目黑》、《地下街》、《不敌》、《14天》，到近年的《有时》、《阳光灿烂的日子》、《初恋残酷物语》、《觉醒字幕组》等等作品都非常高质。而且周国贤以往予人攞住电结他Rock友嘅形象，但近年转行弹木结他为主，以最纯粹嘅“一人一结他”方式演出，带俾乐迷另一个感觉。