【我不怕唱歌】港版“萧邦”系乜水？　江若琳劲迷恋：唱得比我好

江若琳：拣呢首我就知佢系边个啦，哈哈！
侧田：喺香港开餐厅而有分店真系唔易，好叻仔！
石咏莉：把声好似ChiLam，我认得佢𠮶喉核！佢个女朋友好大只眼嫁嘛！
结他：Abby
敲击：Joey
摄影：史顺宜、黄国立
剪接：许柏伦

一星期一次嘅《我不怕唱歌》又嚟啦！今集难度再一次提升，睇下你又估唔估到佢系边个！今集嘅呢位嘉宾身高超过6呎，身型高大嘅佢model出身，以男子组合身分进军乐坛，眼见佢四肢发达，但头脑都非常灵活，除了识得填词，餐饮生意仲要利害到全行皆知。佢经营生意嘅奋斗史多到一本书都讲唔完，佢有一句励志说话成日挂喺嘴边“世界上根本没有起跑线”，亦都是呢句说话令佢由谷底揾到人生意义，最近仲事业爱情两得意，有一位令人葡萄嘅“女神级”女朋友，听完佢把声，你又估唔估到佢系边个呢？

人称“生煎王”嘅Oscar（萧润邦），是前创作组合Bliss成员，2007年签约到Silly Thing旗下成为歌手，但到了2010年与唱片公司合约期满后，有感不适合做音乐，所以毅然离开乐坛，只身到上海。谁不知此行改变了他的人生，他在上海找到了自己的“另一半”，一个自己真正的归属，竟然就是上海生煎包。做了７年饮食业的Oscar，虽然放低支咪已经一段时间，但在今次《我不怕唱歌》唱歌时，依然台型十足，仲挑选了他女朋友江若琳的歌曲《小灯塔》去挑战。“其实呢首歌啲歌词对我好有共鸣，令我谂起好多自己过去嘅经历。呢首歌其实想同大家讲，你嘅梦想其实都一直喺你身边，只不过你有无心去揾你嘅梦。我做咗饮食业7年，中间都有好辛酸所以听到呢首歌特别有感受。我相信每个人心目中都有佢自己嘅灯塔，灯塔可以系一位佰乐，一个朋友，一个身边人。而我嘅灯塔唔系一个人类，而系生煎包。生煎包教识我咩叫人情世故，咩叫人情味。以前做歌手嘅时候真系唔识，因为身边所有嘢都好华丽。”

数数手指过去７年Oscar已经开了8间食肆，最近更在铜锣湾开设新店“坚信号正宗上海生煎皇”。他纵横饮食业多年，由低做起，送外卖、斟茶递水、厨房洗碗通通做过，而且曾经更发生过各种“奇事”，如送外卖到“一楼一”的经历，试过因为厨房隔油池故障，误把隔油池内如屎味的水喷到食客身上、也试过因为食环署定期在街道上清虫，以致过百只曱甴涌入食店，他要双手用报纸如日本武士“二刀流”般拍打曱甴等等。

如想知更多记得留意下一集Oscar的专访！

【专访】“生煎皇”Oscar7年拥8间店养过百人：好彩以前畀人呃！

传送门：https://zh.hk01.com/article/113310

果然系model出身，影相时差啲“chok”亲条颈！