【专访】“生煎皇”Oscar7年拥8间店养过百人：好彩以前畀人呃！

人称“生煎皇”嘅Oscar（萧润邦），与他同期出道的人包括有，周柏豪，陈柏宇及小肥等，Oscar自2010年与唱片公司合约期满后，毅然离开乐坛，只身到上海吃过当地的正宗生煎包后一试难忘，决心要在香港开设属于自己的生煎包店。老实说现在“生煎皇”的名气的确比做歌手时的他有过之而无不及，数数手指至今投身饮食业7年的他，已经经营了8间食肆，绝对是一个成功的生意人。眼见他非常成功，其实他也有辛酸的过去，做歌手时更零收入：“当时𠮶袋得廿皮，真系穷到连一个叉烧饭都买唔起”摄影：黄国立

好多人都觉得做艺人很风光，其实很多东西都好表面，Oscar（萧润邦）的例子就可以话你知，当年决定不做歌手，因为背后真的有不少辛酸：“其实我童年过得好开心，爸爸做生意，当时只要我想要玩咩玩具或游戏机通通都会有，爸爸又会用‘大哥大’，但一到97（金融风暴）全部都无哂。我记得我啱啱升读中学嘅时候真系好穷，因为无钱交电费，屋企经常畀人截电，我𠮶段时间真系好唔开心，明明爸爸做生意好似几好，点解屋企会变成咁。而我做歌手嘅年代仲激，我完全无收入。我试过企喺个台到，而下面真系有班嚟听你嘅歌嘅朋友，但我当时𠮶袋得廿皮咋（20蚊），我明白有啲嘢唔可以用钱去衡量，但我真系穷到连一个叉烧饭都买唔起，最后我决定面对呢个问题，所以我一完约我就无望番转头。”

他续说：“自己无做歌手后，我觉得自己无学识，无社会经验，出去打工嘅话步伐已经慢过其他同年嘅人好多，我当时系谂究竟有咩适合我去做呢？答案系无啰！所以我当时就决定离开香港到上海，一个好似香港嘅城市。去到上海喺我住嘅楼下有间山煎包店，食完一啖之后我就觉得呢到嘅生煎包同香港嘅完全唔同，我心谂，返到香港就食唔到呢种味道，呢个又会唔会系一个商机呢？之后我就喺网上揾师传学整生煎包，当中都见过好几十个，有好多都系白撞，去到最终揾到个阿姐，佢一个已经退休凑孙嘅师傅，佢因为凑孙凑到闷所以揾咗份part-time做包点，佢见我咁想学，所以以5百蚊人民币为月薪叫我帮手，仲会教我整生煎包，但我就同佢讲我只要可以学师就足够，所以未有收钱。结果学师两年，由搬面粉，到搓面粉，到真系做生煎包，真系好多点滴。”

“我唔驶乞食，因为我有梦！”

Oscar自认学业成绩不好，起步比其他人慢，但只要不怕面对失败，其实梦想并不是天马行空的想法：“我觉得无嘢系有起跑线，好似有啲人会话，你十优，你将来一定发达；相反会考0分，你将来一定乞食；我同你讲我自己当时会考0分，但我暂时唔驶乞食，因为我有梦！我觉依家嘅年青人，好多嘢得个谂字，究竟佢哋又有无真系去尝试，又敢唔敢面对失败还是选择去逃避呢？理想同天马行空又识唔识分，有理想一定要捉紧，如果唔系只会变成天马行空嘅想法，想捉都捉唔住。我初初开店嘅时候成日畀人呃，试过畀装修师传呃我钱，又试过有人收咗钱做嘢偷工减料，因为我当时畀现金又无单据，但依家回想，我会觉得好彩系以前畀人呃，以前我店只有3个人分别系我，我爸爸仲有我Partner，依家就唔同，依家有超过100个员工，以前畀人呃，令我依家做事会更小心，所以我有一个信念，就系唔好觉得暂时嘅失败就系永远嘅失败。其实我好钟意同年轻人分享呢个信念，因为我自己由读书开始已经系一旧烂泥，除咗我高，所以排队排最尾之外，我学校成绩都系一样，我永远都系最尾𠮶个，但系呢个世界就系咁得意，以前唔成功，唔代表无将来。”

谈到经营“生煎皇”有没有发生过各种“奇事”，Oscar马上笑不停：“我哋店内有一个隔油池，隔油池内有食物渣滓，污水等等各种大家唔会想听到嘅嘢。咁又一次个隔油池停咗，于是我打开佢chok一chok，点知入面嘅水弹哂落一个客到，讲真，𠮶啲水真系臭过屎！又试过因为食环署定期喺街灭虫，真系好似睇戏咁，有过百只曱甴涌入食店，我当时双手用报纸，不停打曱甴，我见到几百只曱甴其实都好惊，不过自己生意，你唔打，唔通叫食客帮手打咩！其中最难忘就系，以前帮手送外卖到‘一楼一’，𠮶时都好有体会，其实大家咁辛苦都系为啖饭。”

问到开生煎包店时的点滴，Oscar表示有很多，不过最令他感到满足是香港人的人情味：“我觉得香港系一个好有人情味嘅地方，由第一日开舖我已经感受到香港人嘅热情，我试过有客食过我㶶嘅生煎包，佢无闹我，仲同我打气，叫我加油，佢话虽然今次（生煎包）㶶咗，但我希望下次系金黄色嘅。所以我依家开咗几间分店甚至西餐厅，所有都唔系我行出嚟，而系一班香港人（食客）行出嚟，我唔会因此而自满。”