【我不怕唱歌】童年偶像唱歌跳舞超掂？　原唱陈柏宇：浪费咗！

陈柏宇（原唱）：我知道佢系边个啦！睇佢下半个咀就估到！佢唱歌好听，跳舞好睇，浪费咗技能，应该唱多啲歌啦！何超仪：KEY好高！许廷铿：我认得佢双下巴！佢系好多人童年偶像加回忆！

不经不觉今季的《我不怕唱歌》进入倒数阶段，你今季又估中几多个呢？今集嘅呢位嘉宾于香港演艺学院舞蹈系毕业，出道时一曲成名，也是天后陈慧琳的师弟，而且少有传绯闻的他曾被传是同性恋者，而今年他更宣布成家立室！你又知唔知佢系边个呢？

摄影：黄国立剪接：许柏伦发型：Jean.T @aTEN Studio结他：Abby敲击：Joey

身兼电台DJ及歌手的叶文辉（啤梨），当年因为主持有线电视YMC节目而入行，其后经人介绍到新城电台工作，并于2002年成为正东唱片旗下的歌手，也是天后陈慧琳的小师弟。同年出道的他，当时凭著韩国电影《我的野蛮女友》广东版主题曲《I Believe》一曲爆红，《I Believe》更是他歌唱生涯的代表作。

今次啤梨在《我不怕唱歌》选择演绎陈柏宇的《固执》，除了非常欣赏陈柏宇外，其家人更觉得啤梨的声线与陈柏宇的声线颇为相似：“有一次我揸紧车载我屋企人嘅时候，当时收音机咁啱播紧陈柏宇出道代表作《固执》，屋企人听到之后觉得好好听，以为我出咗新歌，而且当时都有朋友同我讲，觉得陈柏宇同我嘅声线有啲相似，所以今次试吓唱呢首歌《固执》玩吓。”

问到啤梨最近出动邮轮banner向拍拖4年的圈外女友求婚成功时，啤梨表示：“我其实一直都认定佢，一直都视佢为终身伴侣，所以自己呢几年一直好努力去揾钱，试过除咗电台同主持，仲有做生意，不过我发觉我越投入，变得越冷落咗另一半。其实呢两年都打算求婚，不过真系挂住做嘢，无去计划，无去谂过点样实行，戒子都未买。直到上年我决定放底哂手头上嘅生意，买戒子计划求婚。好笑嘅系，其实我当初想赚多啲钱，早啲结婚，所以走去做生意，但亦都因为做生意经常损手而推迟结婚。我谂如果我唔做生意，应该可以早啲结婚。”

啤梨在今次《我不怕唱歌》系中演唱了《固执》外，他还演唱了他唱过n次的代表作《I believe》，问到啤梨认不认同自己是位“一曲歌手”，他有另一番见解：“我以前睇过一个许志安嘅访问，佢讲过其实每首歌，都会有佢自己嘅歌运，依一点我好认同。当时经理人Paco（黄柏高）叫我唱呢首歌，当然有计算好多嘢，但我觉得《I believe》最主要系呢首歌本身都有自己嘅运，首歌推出之后真系有好多名利自己飞埋嚟，最令我感受到嘅系其他地方，内地、马来西亚、加拿大及澳大利亚等。当时《I believe》令我有好多揾钱机会，依家谂番转头觉得自己有好多不足，好多时候做唔到100分。”

啤梨续说：“呢首歌除咗为我带嚟好多登台机会，主持方面同样为我带嚟好多。当年我就喺tvb做劲歌金曲主持，还记得当时嘅劲歌金曲真系好多人睇，当时又系主持又系歌手，所以次次出场都有得唱歌，更屈机系可以同𠮶集嘅歌手合唱。我记有一次许志安上嚟劲歌宣传新歌，但系因为我系主持又系歌手，所以佢要同我合唱，其实谂番起都几high！不过如果俾我再做多次，我一定会用多10倍嘅努力去唱好𠮶半首歌。以前因为《I believe》，一切都嚟得太容易，自己唔识得珍惜。”

一位歌手甚至对艺人如果想曝光，一定要识得宣传自己，啤梨坦言自己唔识搏出位：“我觉得自己以前真系做得唔好，太内敛，太斯文，唔识得制造话题。曾经有乐坛前辈话我做事唔够浮夸，无话题性，又叫我揾个女仔出街拍拖畀人（记者）影吓当宣传，当时我无听，我想保护自己私生活，所以入行以嚟无乜话题性，而且我做主持出身，所以工作时会惯性讲嘢分庄闲，唔想畀人觉得我搏出位。”