【有片】E-Kids出新MK神曲《一二三四》 Tommy：听到唱咩当你赢
撰文： 许栢伦
出版：更新：
日前公开考试放榜，被喻为“MK pop始祖”的E-Kids再度出现为考生打气，虽然三子冇乜“成绩”，不过努力多年，终于可以重返乐坛。今年三子“封盘”又“封街”，继Alan都宣布即将结婚后，E-kids又准备出新歌《一二三四》，在豉油街封街拍摄跳舞片段，都几认真。E-Kids坦言：“你哋都知啲大妈啦，梗系唔守规矩嘛，其实我都想同佢哋讲，大妈你哋都喺度唱咗咁耐，攰啦，返去训啦！俾几个钟头我哋呢啲后生仔出嚟跳吓得唔得呀？”
《一二三四》其实玩味非常重，因为以EDM加上广东话歌词，其实都几奇怪。唔少人可能觉得电音会很mk，但结果被称为“mk始祖”的E-kids就出电音歌，Tommy笑言：“你可以话系食住MK，成首歌都系MK之歌，我地其实系EDM，呢种音乐一直都好想尝试，都系向死亡挑战﹑向难度挑战的一首作品，因为呢种歌唔系好适合放广东话，我们仲要RAP得咁密！”
呢首歌听落其实唔会知他们唱什么，甚至...要用米奇老鼠音来唱，但Tommy就话：“唔啱音都唔紧要，照RAP出黎，听到我哋唱咩当你赢！”
+5
E-Kids今年又出返歌，你觉得够唔够mk呢？
今次新歌背后，原来有多年的老友DJ少爷占为他们填词。“当年第一只碟主打歌《初哥》和演唱会歌曲《第一个唱》都系少爷占填，有个情义结，今次重组都揾返当年合作的填词人合作，所以一想就谂起佢做！”
Tommy又补充：“赞又好弹又好插又好，都系想大家多些关注，我们放了好多心机，做呢首歌到录音，用了半年时间，录音都用了廿几三十个钟，我们冇办法好有型话唔听唔紧要，真系希望大家听到！”
E-Kids的《初哥》就系少爷占填词，一句“嘻嘻，我谂我钟意咗你丫”，真系好深刻。