【专访】有天外智慧𥄫到实？ 夏韶声：人在做天在看
夏韶声于60年代由舞厅当乐手出身，试过被领班掴到流鼻血；“因为我都系Band仔出身嘛”一句令夏韶声成名后，仍会替Band仔、乐手出头抱不平。时至今日keep住咁有火，没有停下创作步伐，本月将推出概念大碟《2020 Arrival》；率先派台歌有《沉睡启示录》，向乐迷展示“夏韶声的世界观”，但原来新碟的概念早于11年推出的漫画《天眼》中已有伏笔。
夏韶声常说“人在做、天在看”，是意味有一双天外的眼在监察人类的一举一动，令他有灵感创作新专辑？夏韶声解答说：“我借助呢个concept，俾大家检讨一下，由一个天外智慧，透过佢只眼睇下我哋凡人做嘅嘢，我哋系咪要检讨下呢？”
要检讨的事实在太多，新碟《2020 Arrival》中《沉睡启示录》可说是一个序章，其他歌曲提及战争、社会动荡，色彩灰暗，到底何事令夏韶声有感而发？
他表示：“举一个例，打咗5年内战嘅叙利亚，出动到冇人肯认嘅化武，你话如果你系𠮶度嘅一个人，真系喊就可以得喇咩？嗌就可以联合国就可以嚟喇咩？你睇下联合国喺波斯尼亚做到啲咩？实质上乜都做唔到。仗照打，人照杀。”
战火无情，导致生灵涂炭，令人类身处的地球逐渐崩坏，所以夏韶声想以天外智慧眼观察地球的概念，提醒人们要检讨、反省。MV中夏韶声所戴的面罩就是代表天外智慧的眼，而他戴着面罩观看四周就是在表达这个意思。
那面罩原来有段故，夏韶声解释：“系一个巧合，我去三藩市去玩𠮶阵见到呢个面罩，我睇到佢𠮶阵我已经谂到，我可以用佢嚟做一啲嘢，咁就买咗佢。”他续说：“我揸住面罩就灵感到，我谂到‘Arrival’，佢哋嚟到系点睇我哋㗎呢？我就透过呢面罩只眼睇出面，就当佢哋落咗嚟喇，就算我喺MV入面戴住个面罩，面罩后面𠮶个人，个意识都系天外嘅人。”
既然眼罩是神来之笔，灵感的重要来源，想定必是价值连城的艺术品，答案竟超出预期。夏韶声表示：“好平㗎咋！好似系27蚊美金，哈哈！其实我可以呃你哋，但唔需要咁做。”他又慨叹：“做得咁靓都系卖廿零蚊，你谂下，咩叫做艺术呀？”
同为音乐人，看见一件品花尽心思的艺术品售价也只是27美元，夏韶声会否感同身受，觉得作为艺术家很“命苦”？岂料他从不喜欢“艺术家”的称呼。夏韶声谓：“首先有呢个心态要打咗萝柚先，点解你要考虑自己系艺术家先呢？”
曾经有人以“艺术家”称呼他，换来只是自讨没趣：“有人同我讲‘夏韶声，我就好似你咁，系一个艺术家’，我以后都唔想再听佢讲说话。我听到觉得唔钟意，第一，我唔系艺术家，我系一个凡人，咩嘢叫艺术家呢？如果佢以为佢系艺术家呢，就太过擡高自己喇！”
话说回来，到底“2020年”对夏韶声有何意义，重要得成为专辑名称？原来与他一直有研究的天外智慧、以及漫画《天眼》有关。夏韶声表示：“2020年，够啦，‘佢哋’(天外智慧)系咪真系会出现呢？我谂你知道我讲紧乜嘢嘅“佢哋”(天外智慧)，其实‘佢哋’一早已经出现咗，甚至可能我哋未喺呢个地球度行嘅时候佢哋已经喺度。”夏韶声又提到，2012年发现两艘大型太空船，虽然未知是否驶向地球，但有说它们到抵达太阳系，并停在月球背面。他借助这个概念，当来到2020年，‘佢哋’到达地球，会带人类离开，还是有其他结局？留待乐迷听过专辑后自己领悟。
原来“2020”还有另一个意思，夏韶声打趣道：“呢张唱片系2017年出，我可以挨到去2020年，到2020年呢张都仲系新碟！”既然夏韶声对新碟充满信心，乐迷便拭目以待3年后会有甚么变化，说不定到时再听《2020 Arrival》会有另一番体会。