【我不怕唱歌】TVB开心果拍剧唱歌都得？麦美恩错重点：身材好靓

J.Arie：我知你故意唔影面部，因为好易认！
麦美恩：佢锁骨好正！
KOL科林：佢系黑妹！
其实佢真系咁难估咩？
摄影：黄国立 史顺宜
剪接：许栢伦

一个全职歌手要喺香港单纯靠唱歌揾到食真系唔算多，所以有唔少嘅歌手都要多才多艺，务求可以多方面发展刷一刷存在感。例如入电视台拍剧，拍电影或做主持等。当然哩啲机会唔系你想有就有，都要睇际遇及你嘅才能，毕竟机会系留畀有准备嘅人。入番正题，《我不怕唱歌》今次揾嚟嘅哩位朋友，佢当初系以组合身分而出道，出道第一首歌曲到现时为止已经录得过百万点撃。近年以个人名义出歌嘅佢，除了唱歌，作曲及填词外，拍剧及主持电视节目令佢形象非常入屋。哩位傻大姐每次畀人嘅感觉都系一粒可爱嘅开心果，佢嘅演出都带畀人一种充满阳光嘅感觉。大家又估唔估到佢系边个呢？

开估喇，哩位歌手就系糖妹！今次佢翻唱林奕匡（Phil）嘅《高山低谷》原来有段故：“我唱《高山低谷》系因为Phil同我都系同期新人（2010年），嚟紧我同佢有音乐上嘅合作，同埋我觉得高山低谷系人生必经阶段，所以好有共鸣。我觉得哩首歌红系有原因，因为《高山低谷》几时唱都令人好有感觉。”

黄山怡（糖妹）在2007年与潘云峰（糖兄）组成二人组合“糖兄妹”。并于2009年喺台湾录制第一张专辑《我最爱糖兄妹》，在2010年正式出道。当年出道作品《我最爱糖》更成为佢哋嘅代表作，而且《我最爱糖》MV在网络点撃更突破百万，唱歌实力有目共睹。除咗音乐上得到各大颁奖礼认同外，糖妹喺演艺事业都有唔错际遇，拍剧，主持样样掂，久而久之形象入哂屋，系大家眼中嘅开心果。

眼见糖妹喺演艺圈条路行得唔错，又多电视台工作嘅机会，每年都可以创作并推出自己喜欢嘅音乐，其实以歌手嚟讲佢算系好幸福，起码大家会觉得佢揾唔少。虽然系咁，糖妹都非常悭，有时出活动都系搭公共交通工具，原来糖妹悭钱系要供海外留学嘅细佬读书！

糖妹笑言：“财不可露眼呀嘛，我觉得一个女仔一定要有自己积蓄，所以我一入行第一件事就系问公司借钱买保险，因为觉得爸爸妈妈年纪开始大，而我哩份工收入唔稳定，所以我就帮佢哋买保险保障佢哋，我唔系卖广告，不过我真系好care屋企人，至于细佬去外国读书，作为姐姐系有责任供书教学，所以唔理佢哋贫穷定富贵我都要尽自己责任去照顾佢哋。至于我悭，其实我觉得生活就系咁嫁啦，应该搭地铁嘅时候搭地铁，真系赶时间嘅时候先坐的士。但你问到我生活悭唔悭，其实屋企人一路嘅教育都系应驶得驶。”

糖妹影相好多Pose，好识搞气氛！睇相就会明。

糖妹最近宣传新歌《阳光小姐》，佢表示哩首歌其实系佢本人写照：“《阳光小姐》系讲一个开心果永远都系为人而活，却往往被忽略，而且缺乏其他人关心的一首歌。唔知大家有无发现每个圈子都会有一个人系会担当住开心果嘅角色，佢会识得系朋友面前搞气氛，识得帮朋友解决好多问题，好似永远都系一个可以畀你诉苦嘅树窿咁。大家有无谂过其实𠮶一位开心果都会同其他人一样唔开心，都会有情绪受影响嘅时候。其实哩位开心果先系最缺乏人去关心嘅一个人！”